ОХУ АНУ-ын тагнуулын мэдээллийн ажилтан асан Эдвард Сноуденийг нисэх онгоцны буудлаас гаргахаар зэхэж байгаа тухай эх сурвалж мэдээллээ. Шереметьевогийн онгоцны буудалд сарын хугацаанд гацсан Снодений хуульч мэдээлэл хийсэн байна. Тэрээр Сноуденийг онгоцны буудлыг орхихоор зэхэж байгаа гэсэн ч хэзээ гарах тухай мэдээлээгүй байна.

Харин ОХУ-ын Цагаачлалын албанаас өчигдөр Сноуденд Шереметьевогийн онгоцны буудлаас гарахад шаардагдах бииг баримтыг олгоно хэмээн мэдээлсэн байна. Цагаачлалын албаны олон нийтэд зөвлөх албаны дарга Владимир Волохын мэдээлснээр Сноуденд улс төрийн орогнол хүссэнийг нь батлах сертификат олгоно гэлээ. Мөн түүнийг онгоцны буудлаас гарсан тохиолдолд зөвхөн ОХУ-ын хуулийн байгууллагын зааж өгсөн газруудад байрлах ёстой болно гэж мэдээлжээ.

Хуульчийн хэлснээр Эдвард Сноуденд өчигдөр солих хувцаснууд болон Фёдор Достоевскийн “Гэмт хэрэг ба ял шийтгэл” хэмээх номыг хүргэж өгсөн байна. Тагнуулын төв газрын ажилтан асан Сноуден өнгөрсөн сарын 28-аас хойш бичиг баримтгүйн улмаас Моксва хотын онгоцны буудлаас гарч чадахгүйд хүрсэн юм. Түүнд Болив, Венесуэл, Никарагуа улсууд оргонол олгохыг зөвшөөрсөн ч АНУ-ын шахалтын улмаас нислэгийн үеэр баривчлагдаж магадгүй хэмээн үзэж байгаа юм.