Өнгөрсөн сард Хойд Солонгосын удирдагч Ким Чен Уны дурлалт бүсгүй хэмээн нэрлэгдэж байсан поп од Хён Сон Волыг завхай явдлыг дэлгэрүүлсэн кино, бичлэг хийсэн хэргээр олны өмнө цаазалсан тухай мэдээлж байсан билээ. Түүнийг мөн хэрэгт бууруутгасан 11 нөхдийн хамт 8-р сарын 17-ны өдөр баривчилсан бөгөөд өнгөрсөн 22-ны олны өмнө цаазаар авсан байна.

Тэгвэл тэднийг цаазлахад хүргэсэн бичлэгийг интернэтэд дэлгэжээ. Гурван солонгос эмэгтэй бариу хувцас өмсч бүжиглэж буй бичлэг БНСУ болоод Хятадад Ким Чен Уны экс найз бүсгүйг цаазаар авах баримт болсон бичлэг хэмээн цацагдах болжээ. Харин барууны хэвлэлүүд энэ бичлэгийн төлөө экс найз бүсгүйг нь цаазалсан гэж үү хэмээн мэдээлж байна.

Доорх зургийг Хятадын хэвлэл Хён Сон Вол мөн хэмээн бичжээ.
    Цаазлуулах шийтгэл хүлээсэн иргэдийн дунд Хён Сон Волын симфони найрал хөгжмийн хамтлагийн гишүүд мөн багтсан билээ. Ялтнуудыг автомат буугаар гэр бүл болон бусад хүмүүсийн нүдэнд дээр буудан хөнөөсөн хэмээн “Чосун Илбо” сонин бичиж байсан юм.

Ким Чен Ун, Хён Сон Вол нар арваад жилийн өмнө дурлалт хосууд байжээ. Тэднийг их удирдагч агсан Ким Чен Ир хүчээр салгасан хэмээн хэвлэлүүд бичиж байсан юм. Хён Сон Вол цэрэг залуутай гэрлэсэн боловч хожим нь Ким Чен Унтай дурлалын холбоогоо үргэлжлүүлсэн гэх мэдээлэл ч гарч байсан байна.