-
2015 оны 11 сарын 03
Улаанбаатар хотын Захирагчийн Дарь-Эх, Цайз дахь ажлын албанд иргэд холоос алхаж унаанд сууж байгаа талаараа санал хүсэлт ирүүлсэнийг Улаанбаатар хотын Захирагчийн ажлын алба, Нийслэлийн тээврийн газарт уламжилсан. Ингэснээр Баянзүрх дүүргийн 21-р хорооны хажууд автобусны эцсийн буудал баригдаж “Мишээл Экспо - 21-р хороо” гэсэн 10 номерын автобусыг тус чиглэлд явуулж эхэлсэн байна.
Ингэснээр шинээр ашиглалтад орсон 2 дугаар цэцэрлэгийн хүүхдүүдийг эцэг эхчүүд нь өвлийн хүйтэнд дааруулалгүй автобусаар зөөх болсон. Мөн хорооны иргэд, их дээд сургуулийн оюутнууд автобусны буудлыг нэг буудлаар сунгасан нь “Иргэдийнхээ хүсэлтийг хүлээн авч шийдвэрлэсэн, нийслэлээс хэрэгжүүлсэн сайн ажлуудын нэг боллоо ” хэмээн талархлаа илэрхийллээ гэж Улаанбаатар хотын Захирагчийн Дарь-Эх, Цайз дахь ажлын албанаас мэдээллээ.
-
2015 оны 11 сарын 03
Улаанбаатар хотын Захирагчийн Дарь-Эх, Цайз дахь ажлын албанд иргэд холоос алхаж унаанд сууж байгаа талаараа санал хүсэлт ирүүлсэнийг Улаанбаатар хотын Захирагчийн ажлын алба, Нийслэлийн тээврийн газарт уламжилсан. Ингэснээр Баянзүрх дүүргийн 21-р хорооны хажууд автобусны эцсийн буудал баригдаж “Мишээл Экспо - 21-р хороо” гэсэн 10 номерын автобусыг тус чиглэлд явуулж эхэлсэн байна.
Ингэснээр шинээр ашиглалтад орсон 2 дугаар цэцэрлэгийн хүүхдүүдийг эцэг эхчүүд нь өвлийн хүйтэнд дааруулалгүй автобусаар зөөх болсон. Мөн хорооны иргэд, их дээд сургуулийн оюутнууд автобусны буудлыг нэг буудлаар сунгасан нь “Иргэдийнхээ хүсэлтийг хүлээн авч шийдвэрлэсэн, нийслэлээс хэрэгжүүлсэн сайн ажлуудын нэг боллоо ” хэмээн талархлаа илэрхийллээ гэж Улаанбаатар хотын Захирагчийн Дарь-Эх, Цайз дахь ажлын албанаас мэдээллээ.
-
2015 оны 11 сарын 03
“...Хүнийг үндэс, угсаа, хэл, арьсны өнгө, нас, хүйс, нийгмийн гарал, байдал, хөрөнгө чинээ, эрхэлсэн ажил, албан тушаал, шашин шүтлэг, үзэл бодол, боловсролоор нь ялгаварлан гадуурхаж үл болно. Хүн бүр эрх зүйн этгээд байна...” гэж Монгол Улсын Үндсэн хуулинд заасан байдаг.
Гэвч энэ үзэгдэл нийгэмд ил далд хэлбэрээр байсаар байдаг. Жендэрийн эрх тэгш байдлыг хангах нь хүний эрхийн асуудал төдийгүй, хүн төвтэй тогтвортой хөгжлийн тулгуур үндэс гэдгийг дэлхий нийтээр хүлээн зөвшөөрч, жендэрийн эрх тэгш байдлыг хангах нөхцөл бололцоог хууль тогтоомжоороо баталгаажуулж байгаа энэ үед манай сайт хөдөлмөрийн харилцаан дээрх жендерийн тэгш байдлын талаар ХЭҮК-оос гаргасан судалгаан дээр үндэслэж ээлжилт материалаа хүргэхээр бэлтгэлээ.
Комисс судалгаандаа хүний нөөц, санхүүгийн боломжоос шалтгаалан Улаанбаатар хот болон Орхон аймаг, Өмнөговь аймгийн Цогтцэций суманд үйл ажиллагаа явуулж буй төрийн захиргааны болон хувийн хэвшлийн 24 байгууллагын 514 хүнийг хамруулжээ.
Жендэрийн ялгаварлан гадуурхалт нь тэгш бус байдал, ядуурал, ажилгүйдэл, хүчирхийлэл, боловсрол, ухамсрын доройтол, хариуцлагагүй үйлдлүүд зэрэг муу үр дагаврыг дагуулдагаараа улс орны хөгжил, нийгэмд сөргөөр нөлөөлдөг гэдгийг учир мэдэх хүмүүс хэлдэг.
Цаашлаад Жендэрийн эрх тэгш байдлыг хангах тухай хуулинд жирэмсэн, хүүхэд асарсан болон ар гэрийн шалтгаанаар ажлаас халахгүй байхыг тусгасан байдаг. Гэвч Монгол Улсад ажил олгогч талууд хөдөлмөрийн гэрээндээ 1-2 жилийн дотор жирэмсэн болохгүй байх зэрэг хүний эрхэнд халдсан журмуудыг тусгасан байдаг билээ. Бүр ажилд орох ярилцлаганд ороход нь хүртэл гэрлэлтийн байдал, намын харьяалал, шашин шүтлэг, жирэмсэн эсэхийг нь асууж шалгаадаг байдал хуулинд нийцэхгүй зүйл юм.
Бодит жишээнээс дурьдахад, “Нэгэн банкны хөдөлмөрийн дотоод журамд “...шинээр ажилд орсон эмэгтэй ажилтны гэр бүл төлөвлөлтийг нарийн тооцоолж, ажилд омилогдсоноос
хойш хоёр жилийн хугацаанд жирэмсний амралт эдлэхгүй бөгөөд хэрэв зөрчвөл ажилтан өөрийн санаачлагаар хөдөлмөрийн гэрээг цуцлах үүрэгтэй” гэж заан үйл ажиллагаандаа мөрдөж байсан нь тогтоогдсон.
(МҮЭХ-ны ажилтан Г-тэй хийсэн ярилцлагаас.)”
Б нь нэгэн компанид туршилтын хугацааны гэрээгээр байнгын ажлын байранд ажиллаж байна. Гэтэл тэрээр туршилтын хугацаа дуусахаас өмнө жирэмсэлжээ. Жирэмсний эхний саруудад хэвтрийн дэглэм сахих ёстой гэж эмч зөвлөсөн тул Б ажлаас хэд хэдэн удаа эмнэлгийн чөлөө авсан. Чөлөө авах үедээ удирдлагадаа жирэмсэн болсон тухайгаа мэдэгдэхэд, ажил олгогчийн зүгээс үндсэн ажилтнаар ажиллуулахгүй, харин шууд халах тухай сануулж эхэлжээ. Түүнийг ажилд орох үед нь нөхөн үржихүйн эрхтэй нь холбоотой ямар нэгэн болзол, сануулга өгч байгаагүй ч, гэр бүл төлөвлөлтийн талаар ямар бодолтойг нь лавлаж байсан ажээ. Ажил олгогч түүнийг ажлаас шууд халаагүй ч, янз бүрийн алдаа, өө сэв хайж, өөнтөглөж байгаа учраас тэрээр ажлын байраа алдахгүйн тулд эмчийн зөвлөгөөг дагаж чадахгүй, эрүүл мэндээрээ хохирох эрсдэлд хүрээд байна.
(Судалгаанд хамрагдсан Б-тэй хийсэн ярилцлагаас)
Үүнээс үзэхэд жирэмсэн болон бага насны хүүхэдтэй эхийн эрүүл мэндээ хамгаалуулах эрх хангагдахгүй байна.
Энэ мэт хүүхэд төрүүлээд ажилдаа эргэн орох гэхэд нь буцаан авдаггүй тохиолдлууд ч Монголын нийгэмд байсаар байгаа юм. Тухайлбал, “Төрийн захиргааны байгууллагад ажилладаг эмэгтэй нь өөрийн ажиллаж буй байгууллагад нийт 7 жил ажиллажээ. Тэрээр 2010 оны 7 дугаар сард хүүхэд төрүүлсэн бөгөөд гурван жилийн дараа ажилдаа эргэн орох тухай хүсэлт гаргасан боловч ажил олгогчийн зүгээс “Чөлөөний хугацаа дуусаагүй” гэсэн хариуг албан бичгээр илгээсэн байна. Ажилдаа эргэн орох хүсэлтээ хоёр сарын дараа дахин гаргахад байгууллагын зүгээс ямар ч хариу өгөөгүй тул нэг сар хүлээгээд дахин хандахад, мөн л ямар нэгэн хариу өгөөгүй байна. Төрийн лбаны зөвлөлд хандаж, төрийн албан хаагчийн ажиллах нөхцөл, баталгаа зөрчигдсөн болохыг тогтоолгосноор ажилдаа эргэн оржээ”
(ТӨЗ-ийн ажилтантай хийсэн ярилцлагаас)
Тэр бүү хэл бага насны хүүхэдтэй эхийг ажлаас нь халахыг хуулинд тусгайлан тусгаж өгсөн байдаг ч энэ шударга бус байдал гарсаар байгааг албаныхан онцолж байна.
Мөн ХЭҮК-оос гаргасан судалгаанд хамрагдсан байгууллагуудын 60 орчим хувь нь хамтын гэрээ, хэлэлцээргүй байжээ.
Үүгээр зогсохгүй байгууллагууд хөдөлмөрийн дотоод журамдаа ажлын байрны бэлгийн дарамтыг хориглосон заалтыг тусгаагүй байгааг тогтоожээ.
Хамтран ажиллагсад нь ажлын байран дахь бэлгийн дарамтад өртөж байсан гэх мэдээллийг салбараар нь авч үзвэл:
Тухайлбал,
Цаашид ажлын байрны бэлгийн дарамт үзүүлсэн албан тушаалтнуудад
хариуцлага тооцох механизмыг тодорхой болгон эрүүгийн гэмт хэргээр
зүйлчлэн хууль тогтоомжид өөрчлөлт оруулах нь зүйтэй байна.
-
2015 оны 11 сарын 03
Тухайн өдөр могой, морь, гахай, хулгана жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийүүштэй. Эл өдөр усан балин гаргах, газар лус тахих, эм найруулах, огторгуйн үүд сахих, их хүмүүнтэй уулзах, буяны үйл, идээ ундаа, хувцас олох, худалдааны үйл, өглөг өгөх, хөрөнгө тавих, эдийн үргэлжлэлийг бүтээх, эдийн тэнгэрийг тахих хийгээд аюулаас зайлах, ламтай учрах, цагаан зүгийн үйлд сайн. Газар ухах, мод огтлох, цөөрөм, худаг малтах, өвчтөнийг анх гадагш гаргах, байшингийн суурь тавих, дээвэр тавих, нүүдэл хийх, нохой худалдах, худалдан авахад муу. Өвчин болвол гурав ба тав хоногт амирлана. Замд гарвал муу, гаслантай учран, найз нөхдөөс хагацахуй гэм буй. Баруун нүд татвал холын мэдээ, сураг сонсоно. Зүүн нүд татвал эдийг олох болой. Баруун чих хангинавал ундаа олдоно. Зүүн хангинавал гэм ирнэ. Нохой уливал үхэгсэдийн сураг сонсох ба хэрээ дуугарвал нөхөртэйгөө учирна. Шилбэ татвал хэрүүл тэмцэл болно. Өдрийн сайн цаг нь бар, туулай, могой, бич, нохой, гахай болой. Үс шинээр үргээлгэх буюу засуулбал идээ, ундаа элбэг олдоно.
-
2015 оны 11 сарын 03
2015 оны 11 дүгээр сарын 02-ны 20 цагаас 11 дүгээр сарын 03-ны 20 цаг
хүртэлх цаг агаарын урьдчилсан мэдээ:
БАРУУН АЙМГУУДЫН НУТГААР: Үүлэрхэг. Шөнөдөө зарим газраар, өдөртөө нутгийн зүүн хэсгээр цас орно. Салхи баруун хойноос секундэд 6-11 метр, шөнөдөө зарим газраар, өдөртөө нутгийн өмнөд хэсгээр түр зуур секундэд 16-18 метр хүрч ширүүснэ. Хүйтэрч Баян-Өлгий, Увсын нутаг, Ховд, Завханы хойд хэсгээр шөнөдөө 9-14 градус, өдөртөө 3-8 градус хүйтэн, Баянхонгор, Говь-Алтайн өмнөд хэсгээр шөнөдөө 0-5 градус, өдөртөө 4-9 градус дулаан, бусад нутгаар шөнөдөө 4-9 градус хүйтэн, өдөртөө 1 градус дулаанаас 4 градус хүйтэн байна.
ТӨВИЙН АЙМГУУДЫН НУТГААР: Үүлшинэ. Шөнөдөө нутгийн баруун хэсгээр, өдөртөө зарим газраар цас орж, зөөлөн цасан шуурга шуурна. Салхи баруун өмнөөс хойш эргэж секундэд 7-12 метр, зарим газраар түр зуур секундэд 16 метр хүрч ширүүснэ. Хангай, Хөвсгөлийн уулархаг нутгаар шөнөдөө 8-13 градус, өдөртөө хүйтэрч 3-8 градус хүйтэн, бусад нутгаар шөнөдөө 2 градус дулаанаас 3 градус хүйтэн, өдөртөө хүйтэрч 1 градус хүйтнээс 4 градус дулаан байна.
ЗҮҮН АЙМГУУДЫН НУТГААР: Солигдсол үүлтэй. Цас орохгүй. Салхи баруун өмнөөс секундэд 5-10 метр, өдөртөө хойш эргэж зарим газраар секундэд 12-14 метр хүрч ширүүснэ. Шөнөдөө 0-5 градус хүйтэн, өдөртөө 8-13 градус дулаан байна.
ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Цас орохгүй. Салхи баруун өмнөөс баруун хойш эргэж секундэд 7-12 метр. Шөнөдөө 4-6 градус хүйтэн, өдөртөө 8-10 градус дулаан байна.
ГОВИЙН АЙМГУУДЫН НУТГААР: Багавтар үүлтэй. Цас орохгүй. Салхи баруун өмнөөс секундэд 6-11 метр, өдөртөө хойш эргэж түр зуур секундэд 16-18 метр хүрч шороон шуурга шуурна. Дундговийн нутгаар шөнөдөө 3 градус хүйтнээс 2 градус дулаан, өдөртөө 7-12 градус, бусад нутгаар шөнөдөө 0-5 градус, өдөртөө 10-15 градус дулаан байна.
УЛААНБААТАР ХОТ: Үүлшинэ. Шөнөдөө цас орохгүй. Өдөртөө бага зэргийн цас орно. Салхи баруун өмнөөс хойш эргэж секундэд 5-10 метр, өдөртөө түр зуур секундэд 16 метр хүрч ширүүснэ. Шөнөдөө 0-2 градус, өдөртөө хүйтэрч 2-4 градус дулаан байна.
-
2015 оны 11 сарын 02
Цагдаагийн биед халдсан этгээдийг баривчилжээ
Түгээх
Share on facebook
Share on twitter
2015-11-02 18:56:06 - Нийслэл
tsagdaaАлбан үүргээ гүйцэтгэж явсан цагдаагийн алба хаагчийг мэсээр гэмтээж, хэргийн газраас зугтсан гэмт этгээдийг баривчилжээ. Тодруулал, Баянгол дүүргийн цагдаагийн нэгдүгээр хэлтсийн дарга, цагдаагийн хурандаа Ж.Эрдэнэболдоор ахлуулсан бие бүрэлдэхүүн шуурхай ажиллаж, гэмт этгээдийг дахин хэрэг үйлдэхээс урьдчилсан сэргийлсэн байна.
ЦЕГ-ын Хэвюлэл мэдээллийн албанаас мэдээлснээр, гэмт этгээд “Б” нь 50 настай, урьд өмнө ял шийтгэл эдэлж байгаад суллагдсан нэгэн бөгөөд хэрэг үйлдэх үедээ согтууруулах ундаа хэрэглэсэн байжээ. Цагдаагийн ажилтнууд гэмтсэн алба хаагчийг түргэн шуурхай эмнэлэгт хүргэж эмнэлгийн яаралтай тусламж үзүүлсэн байна. Эх сурвалжийн мэдээлснээр, алба хаагчийн биеийн байдал хэвийн Батлан хамгаалах, хууль сахиулах алба хаагчдын нэгдсэн эмнэлэгт хэвтэн эмчлүүлж байгаа аж.
-
2015 оны 11 сарын 02
http://www.24tsag.mn/content/125479.shtml
-
2015 оны 11 сарын 02
Зам тээврийн ослоор хохирогслрл хүнлэтгэл үзүүлнэ
Зам тээврийн ослоор хохирогсдод хүндэтгэл үзүүлэх өдрийг анх 1993 онд Англи улсад тэмдэглэсэн бөгөөд үүнээс хойш улс орнууд энэ арга хэмжээг авто осолд нэрвэгдэгдийн дурсгалыг хүндэтгэх, сэтгэл санааны болон бусад хохирлыг амсаж байгаа иргэд тэдгээрийн ар гар, ойр дотныхонд гашуудаж байгаагаа илэрхийлэх боломж олгох өдөр болгон тэмдэглэж иржээ. НҮБ- ын 2005 оны аравдугаар сарын 25-ны өдрийн тогтоолд жил бүрийн арваннэгдүгээр сарын гурав дахь ням гарагийг тэмдэглэлт өдөр болгон зарласан байна. Манай улс энэ өдрийг хоёр дахь жилдээ тэмдэглэж байгаа бөгөөд энэ сарын 15-ны өдөр зохион байгуулах гэж байна. Тиймээс Улаанбаатар хотын ЗЦГ-аас иргэдийг нэгдэж, зам тээврийн ослоор хохирогсдод хүндэтгэл үзүүлэхийг уриалж байна.
-
2015 оны 11 сарын 02
Японы кино өдөр болно
Японы кино өдрийг Монголд 140 дэх удаагаа зохион байгуулах гэж байна. Уг өдрийг тохиолдуулан Монгол, Японы төвийн их танхимд “Тогоруу” уран сайхны киног Монголын үзэгчдэд хүргэх гэж байгаа аж. ‘Тогорууны тус” хэмээх Япон ардын үлгэрээс сэ- дэвлэсэн энэхүү бүтээлд тогорууны амийг аварсан залуу эрийн гэрт хэд хоногийн дараа үзэсгэлэнт бүсгүй ирж байгаа тухай өгүүлнэ. Бүсгүй залуутай гэрлэх бө- гөөд утас ээрч байхыг минь хэрхэвч харж болохгүй гэ- сэн болзол тавьдаг. Гэвч сониуч зандаа хөтлөгдсөн за- луу утас ээрэх эхнэрээ нуудаар хартал урьд нь өөрийн тусалсан тогоруу гэдгийг нь олж мэднэ. Найруулагч Кон Ичикавагийн бүтээл, Саюри Ёшината, Кидэки Нода нарын гол дүрийг нь бүтээсэн уг киног энэ сарын 5-нд монгол дуу оруулгатайгаар, 19-нд хадмал орчуулгатайгаар үзэгчдэд үнэ төлбөргүй хүргэх юм.
-
2015 оны 11 сарын 02
Төрийн орон сууцны корпорациас Барилга хот байгуулалтын сайд З.Баянсэлэнгэ болон газрын дарга нар, албаны бусад хүмүүст бүтээн байгуулалтын ажлуудаа танилцууллаа. Танилцуулах арга хэмжээний хүрээнд “Буянт-Ухаа 1”, “Буянт-Ухаа 2” хороолол болон тэдгээрийн бохирын асуудлыг шийдвэрлэх бага оврын цэвэрлэх байгууламжийн ажлуудыг газар дээр нь очиж танилцуулсан юм.
-
2015 оны 11 сарын 02
Нийслэлийн Онцгой байдлын газрын даргын баталсан 2015 оны А/101 тушаал, удирдамжийг хэрэгжүүлэх ажлын хүрээнд нийслэлийн нутаг дэвсгэрийн хэмжээнд барилга байгууламж, гэр хороолол, авто зам, нийтийн эзэмшлийн зам талбайн авралтын гарцыг хааж, болзошгүй гамшгийн үед шуурхай албаны автомашин хүрэлцэн очих боломжийг хязгаарлаж, зөвшөөрөлгүй барьж сунгасан хашаа, хаалт, хайс, гарааш, өргөтгөлийг буулгаж чөлөөлөх нэгдсэн арга хэмжээг 2015 оны 10 дугаар сарын 28-ны өдрөөс эхлэн нутгийн захиргааны болон холбогдох мэргэжлийн байгууллагуудтай хамтран зохион байгуулж байна.
Шалгалтын гол зорилго нь нийслэлийн нутаг дэвсгэрийн хэмжээнд барилга байгууламж, гэр хороолол, авто зам, нийтийн эзэмшлийн зам талбайн авралтын гарцыг хааж, болзошгүй гамшгийн үед шуурхай албаны автомашин хүрэлцэн очих боломжийг хязгаарлаж, зөвшөөрөлгүй барьж сунгасан хашаа, хаалт, хайс, гарааш, өргөтгөлд Монгол Улсын Төрийн хяналт шалгалтын тухай, Гамшгаас хамгаалах тухай, Галын аюулгүй байдлын тухай хууль тогтоомж, барилгын норм ба дүрэм, стандартын хэрэгжилтийн байдалд үнэлгээ дүгнэлт өгч, илэрсэн зөрчлийг арилгуулах, шуурхай албаны автомашин зорчих зам гарцыг чөлөөлөхөд оршино.
Шалгалтыг дүүргийн Засаг даргын Тамгын газар, Онцгой байдлын хэлтэс, Өмч, газрын харилцааны алба, Замын цагдаагийн тасаг, бусад захиргааны байгууллагуудын албан тушаалтан нар хамтран зохион байгуулна.
Шалгалтаар Монгол Улсын Гамшгаас хамгаалах тухай, Галын аюулгүй байдлын тухай хуулиудын хэрэгжилт, Захиргааны болон олон нийтийн барилга байгууламжийг барихдаа газар олголт, захирамж, барилга эхлүүлэх зөвшөөрөл, техникийн нөхцлийг мэргэжлийн байгууллагуудаас авсан эсэх, Барилга байгууламжийн авралтын зам гарцыг барилгын зурагт тусган, зургийн дагуу барилга байгууламжийг барьсан эсэх, Барилга байгууламж барих, өргөтгөх засварлахдаа мэргэжлийн байгуулагуудаас дүгнэлт зөвшөөрөл авсан, авралтын зам гарц, нийтийн эзэмшлийн зам гарц болон гадна орчны тохижолт, зүлэгжүүлэлтийн талбай, холбогдох норм, дүрмийг зөрчсөн эсэх, зөвшөөрөлгүй барилга байгууламж барьж, захиргааны болон олон нийтийн барилга байгууламж хоорондын зай хэмжээг алдагдуулсан эсэх, авто зам болон нийтийн эзэмшлийн зам, талбай, авралтын гарцыг хааж хайс, хашаа, автомашины гарааш барьж, зөөврийн чингэлэг байрлуулсан эсэхэд хяналт тавьж холбогдох хууль, дүрэм норм зөрчсөнийг буулгах, чөлөөлөх ажлыг зохион байгуулах юм.
Мөн гэр хороололд гудамж хоорондын зай хэмжээ алдагдсан эсэх, зөвшөөрөлгүй хашааг сунгаж гудамжийг нарийсгасан байдал, зам гарцыг хааж мухар гудамж гаргасан эсэх, өндөрлөг газар, өндөр хүчдэлийн шугам, үерийн аюултай бүсэд байрласан, шуурхай албаны автомашин хүрэлцэн очих боломжтой эсэх, гэр хороолол дахь нийтийн байрны гадна нийтийн эзэмшлийн зам, талбайг хааж зөвшөөрөлгүй хашаа барьсан эсэхийг шалгаж чөлөөлнө.
Нийслэлийн Онцгой байдлын газраас жил бүр энэхүү арга хэмжээг зохион байгуулдаг бөгөөд энэ жил дүүргүүдийн удирдлага, холбогдох албан тушаалтнуудаас дэмжлэг авч, мэргэжлийн байгууллагуудтай хамтран ажиллаж байгааг онцолж байна.
Нийтийн эзэмшлийн зам талбайн авралтын гарцыг чөлөөлөх арга хэмжээ 14 хоног үргэлжлэх бөгөөд нийслэлийн төвийн 6 дүүргийн нутаг дэвсгэрт зохион байгуулагдаж байгаа.
Иргэний үүргээ биелүүлж барилга байгууламж, гэр хороолол, авто зам, нийтийн эзэмшлийн зам талбайн авралтын гарцыг хааж, болзошгүй гамшгийн үед шуурхай албаны автомашин хүрэлцэн очих боломжийг хязгаарлаж, зөвшөөрөлгүй хашаа, хаалт, хайс сунгаж, гарааш, өргөтгөл барьсан бол чөлөөлөхийг иргэд, аж ахуй нэгж байгууллагуудад нийслэлийн Онцгой байдлын газраас уриалж байна.
-
2015 оны 11 сарын 02
Сэлэнгэ аймгийн Засаг дарга, ЗДТГ-аас сумдын “Соёл-эдийн засгийн өдөр”-ийг нэлээд хэдэн жил завсарласны дараа энэ жил дахин зохион байгууллаа. Аймгийн 17 суманд зохион байгуулсан өдөрлөгийн арга хэмжээ Сайхан, Хушаат сумдад зохион байгуулагдсанаар өндөрлөлөө. Энэхүү арга хэмжээний хүрээнд тухайн сум өөрийн орон нутгаа, суманд үйлдвэрлэгддэг бүтээгдэхүүнээ, сумаас төрөн гарсан алдартан, авьяастнуудаа аймгийн төв Сүхбаатарчууддаа болон улс орон даяар сурталчлан таниулж, бараа бүтээгдэхүүнээ худалдан борлуулж, шинэ зах зээл олгон, эргэх холбоог бий болгон өгч буйгаараа онцлогтой болж байгаа юм.
Энэ үеэр аймгийн Засаг дарга С.Бүрэнбат хэлсэн үгэндээ:”Аймгийн Засаг даргын 2012-2016 он хүртэл хэрэгжүүлэх мөрийн хөтөлбөртөө хүний амьдралд хэрэг болохоор, хамтран амьдрахад, хамтран бүтээхэд бие биеэсээ урам дэм авахаар, улс орныхоо хөгжилд иргэд нь итгэл дүүрэн оролцохоор олон асуудлуудыг бид бүхэн зорилт болгож тавьсан. Бид энэхүү соёл, эдийн засгийн арга хэмжээгээрээ аймгийнхаа сумдын хөдөлмөрч ард иргэдийн хийсэн бүтээснийг залуу үедээ таниулж, бахархан дурсах боломжийг олгож байгаа юм. Цаашид ч энэ боломжийг үлдсэн зургаан сумандаа олгоно. Түүнчлэн энэ арга хэмжээг дараа дараагийн аймгийн удирдлагууд маань улам боловсронгуй болгож, уламжлуулан авч явах байх аа. Хэн нэгнээс дэмжлэг авахгүйгээр, өөрөө өөрийгөө болгоод, амьдрал ахуйгаа өөд татан авч яваа баялаг бүтээгч иргэдээ бид дэмжиж болох бүх л хэлбэрээр дэмжихийг зорьж байгаа. Дэмжих ч болно” хэмээн хэллээ.
“Соёл, эдийн засгийн өдөр” арга хэмжээнд оролцож буй сумд бүхэн өөр өөрийн онцлогийг харуулсан бүтээгдэхүүнээ сурталчилж байлаа. Энэ удаа Сайханчууд өөрсдийн гараар бий болгосон бэлэн хувцас, бараа бүтээгдэхүүнээр голчлон оролцож байгаа бол Хушаатчууд малын ашиг шимээр бий болсон цагаан идээ, цэвэр хөрсөндөө ургуулсан элит төмс, хүнсний ногоогоороо оролцлоо.
Энэхүү “Соёл, эдийн засгийн өдөр” өдөрлөгийн үеэр Сайхан, Хушаат сумдын авьяаслаг ард иргэд нэгдсэн концерт тоглосон нь Сүхбаатарчуудын талархлыг ихэд хүлээлээ.
-
2015 оны 11 сарын 02
Нийслэлийн Онцгой байдлын газрын даргын баталсан 2015 оны А/101 тушаал, удирдамжийг хэрэгжүүлэх ажлын хүрээнд нийслэлийн нутаг дэвсгэрийн хэмжээнд барилга байгууламж, гэр хороолол, авто зам, нийтийн эзэмшлийн зам талбайн авралтын гарцыг хааж, болзошгүй гамшгийн үед шуурхай албаны автомашин хүрэлцэн очих боломжийг хязгаарлаж, зөвшөөрөлгүй барьж сунгасан хашаа, хаалт, хайс, гарааш, өргөтгөлийг буулгаж чөлөөлөх нэгдсэн арга хэмжээг 2015 оны 10 дугаар сарын 28-ны өдрөөс эхлэн нутгийн захиргааны болон холбогдох мэргэжлийн байгууллагуудтай хамтран зохион байгуулж байна.
Шалгалтын гол зорилго нь нийслэлийн нутаг дэвсгэрийн хэмжээнд барилга байгууламж, гэр хороолол, авто зам, нийтийн эзэмшлийн зам талбайн авралтын гарцыг хааж, болзошгүй гамшгийн үед шуурхай албаны автомашин хүрэлцэн очих боломжийг хязгаарлаж, зөвшөөрөлгүй барьж сунгасан хашаа, хаалт, хайс, гарааш, өргөтгөлд Монгол Улсын Төрийн хяналт шалгалтын тухай, Гамшгаас хамгаалах тухай, Галын аюулгүй байдлын тухай хууль тогтоомж, барилгын норм ба дүрэм, стандартын хэрэгжилтийн байдалд үнэлгээ дүгнэлт өгч, илэрсэн зөрчлийг арилгуулах, шуурхай албаны автомашин зорчих зам гарцыг чөлөөлөхөд оршино.
Шалгалтыг дүүргийн Засаг даргын Тамгын газар, Онцгой байдлын хэлтэс, Өмч, газрын харилцааны алба, Замын цагдаагийн тасаг, бусад захиргааны байгууллагуудын албан тушаалтан нар хамтран зохион байгуулна.
Шалгалтаар Монгол Улсын Гамшгаас хамгаалах тухай, Галын аюулгүй байдлын тухай хуулиудын хэрэгжилт, Захиргааны болон олон нийтийн барилга байгууламжийг барихдаа газар олголт, захирамж, барилга эхлүүлэх зөвшөөрөл, техникийн нөхцлийг мэргэжлийн байгууллагуудаас авсан эсэх, Барилга байгууламжийн авралтын зам гарцыг барилгын зурагт тусган, зургийн дагуу барилга байгууламжийг барьсан эсэх, Барилга байгууламж барих, өргөтгөх засварлахдаа мэргэжлийн байгуулагуудаас дүгнэлт зөвшөөрөл авсан, авралтын зам гарц, нийтийн эзэмшлийн зам гарц болон гадна орчны тохижолт, зүлэгжүүлэлтийн талбай, холбогдох норм, дүрмийг зөрчсөн эсэх, зөвшөөрөлгүй барилга байгууламж барьж, захиргааны болон олон нийтийн барилга байгууламж хоорондын зай хэмжээг алдагдуулсан эсэх, авто зам болон нийтийн эзэмшлийн зам, талбай, авралтын гарцыг хааж хайс, хашаа, автомашины гарааш барьж, зөөврийн чингэлэг байрлуулсан эсэхэд хяналт тавьж холбогдох хууль, дүрэм норм зөрчсөнийг буулгах, чөлөөлөх ажлыг зохион байгуулах юм.
Мөн гэр хороололд гудамж хоорондын зай хэмжээ алдагдсан эсэх, зөвшөөрөлгүй хашааг сунгаж гудамжийг нарийсгасан байдал, зам гарцыг хааж мухар гудамж гаргасан эсэх, өндөрлөг газар, өндөр хүчдэлийн шугам, үерийн аюултай бүсэд байрласан, шуурхай албаны автомашин хүрэлцэн очих боломжтой эсэх, гэр хороолол дахь нийтийн байрны гадна нийтийн эзэмшлийн зам, талбайг хааж зөвшөөрөлгүй хашаа барьсан эсэхийг шалгаж чөлөөлнө.
Нийслэлийн Онцгой байдлын газраас жил бүр энэхүү арга хэмжээг зохион байгуулдаг бөгөөд энэ жил дүүргүүдийн удирдлага, холбогдох албан тушаалтнуудаас дэмжлэг авч, мэргэжлийн байгууллагуудтай хамтран ажиллаж байгааг онцолж байна. Нийтийн эзэмшлийн зам талбайн авралтын гарцыг чөлөөлөх арга хэмжээ 14 хоног үргэлжлэх бөгөөд нийслэлийн төвийн 6 дүүргийн нутаг дэвсгэрт зохион байгуулагдаж байгаа.
Иргэний үүргээ биелүүлж барилга байгууламж, гэр хороолол, авто зам, нийтийн эзэмшлийн зам талбайн авралтын гарцыг хааж, болзошгүй гамшгийн үед шуурхай албаны автомашин хүрэлцэн очих боломжийг хязгаарлаж, зөвшөөрөлгүй хашаа, хаалт, хайс сунгаж, гарааш, өргөтгөл барьсан бол чөлөөлөхийг иргэд, аж ахуй нэгж байгууллагуудад нийслэлийн Онцгой байдлын газраас уриалж байна.
-
2015 оны 11 сарын 02
НҮБ-ын Ерөнхий Ассамблей жил бүрийн 11 дүгээр сарын 2-ны өдрийг “Сэтгүүлчдийн эсрэг гэмт хэрэг ял шийтгэлгүй үлдэж буйг таслан зогсоох олон улсын өдөр” болгохыг 2013 оны 12 дугаар сарын 18-ны өдрийн 68 дугаар чуулганаар 163 тоот тогтоол баталсан юм.
Энэ жил анх удаа тэмдэглэж буй энэ өдрийг тохиолдуулан ЮНЕСКО-гийн Ерөнхий захирал Ирина Боковагийн илгээлтэд сэтгүүлч хүн амь насаа алдсан тохиолдол бүрийг нягтлан шалгаж, сэтгүүлчдийг ажил үүргээ аюулгүй орчинд гүйцэтгэх боломжийг хангахыг бүх улс орны Засгийн газарт уриалсан байна.
НҮБ-аас гаргасан “Сэтгүүлчдийн аюулгүй байдлыг хамгаалах, тэдний эсрэг гэмт үйлдэл ял шийтгэлгүй үлдэж буй асуудлаарх” үйл ажиллагааны төлөвлөгөөнд сэтгүүлчдийн аюулгүй байдлыг хамгаалахад нэгдсэн хяналт тавихыг ЮНЕСКО-д үүрэг болгожээ.
-
2015 оны 11 сарын 02
Улаанбаатар хотын Захирагчийн Дарь-Эх, Цайз дахь ажлын албанд иргэд холоос алхаж унаанд сууж байгаа талаараа санал хүсэлт ирүүлсэнийг Улаанбаатар хотын Захирагчийн ажлын алба, Нийслэлийн тээврийн газарт уламжилсан. Ингэснээр Баянзүрх дүүргийн 21-р хорооны хажууд автобусны эцсийн буудал баригдаж “Мишээл Экспо - 21-р хороо” гэсэн 10 номерын автобусыг тус чиглэлд явуулж эхэлсэн байна.
Ингэснээр шинээр ашиглалтад орсон 2 дугаар цэцэрлэгийн хүүхдүүдийг эцэг эхчүүд нь өвлийн хүйтэнд дааруулалгүй автобусаар зөөх болсон. Мөн хорооны иргэд, их дээд сургуулийн оюутнууд автобусны буудлыг нэг буудлаар сунгасан нь “Иргэдийнхээ хүсэлтийг хүлээн авч шийдвэрлэсэн, нийслэлээс хэрэгжүүлсэн сайн ажлуудын нэг боллоо ” хэмээн талархлаа илэрхийллээ гэж Улаанбаатар хотын Захирагчийн Дарь-Эх, Цайз дахь ажлын албанаас мэдээллээ.
-
2015 оны 11 сарын 02
Монгол Улсын Засгийн газар, Нийслэлийн Засаг даргын Тамгын газар, Азийн хөгжлийн банктай хамтран “Төлбөрийн чадварт нийцсэн орон сууц ба хотын дахин шинэчлэх” төслийн урьдчилсан хамрах хүрээ, санхүүгийн болон институцын зохицуулалт, төслийг боловсруулах, бэлтгэх үйл явцыг тохирсон харилцан ойлголцлын санамж бичиг байгуулах ёслолын ажиллагаа өнөөдөр боллоо. Санамж бичигт Сангийн сайд Б.Болор, Нийслэлийн Засаг дарга бөгөөд Улаанбаатар хотын Захирагч Э.Бат-Үүл, Азийн хөгжлийн банкны Монгол дахь суурин төлөөлөгч Роберт Шоелхаммер нар гарын үсэг зурлаа.
Уг төсөл гэр хороололд төлбөрийн чадварт нийцсэн 10,000 гаруй өрхийн орон сууцыг барьж байгуулах бөгөөд гэр хорооллын 130 га газарт дахин төлөвлөлтийн ажлыг хэрэгжүүлэх юм. Гэр хороололд амьдардаг иргэдэд амьдрах орчин нөхцөлөө сайжруулах, дулаан, ус хангамж болон цахилгааны сүлжээнд холбогдох, эдийн засгийн үйлчилгээг авах нэн хүсэл, шаардлага бий. Тиймээс эдгээр иргэдийн 75-аас дээш хувь нь тохирсон нөхцөл санал болгосон тохиолдолд орон сууц худалдан авч нүүхэд бэлэн байна. Энэ нь өрхийн орлогын долоо дахь төвшингээс доогуур орлоготой буюу дунджаас бага орлоготой 150,000 айлын орон сууцны эрэлт байгааг илэрхийлж байна. Одоо шинээр баригдаж ашиглалтад орж байгаа орон сууцны дийлэнх нь дундаас дээгүүр орлоготой иргэдэд зориулагдсан байгаа юм.
Төслийн өртгийг эхний байдлаар 500 орчим сая доллар гэж урьдчилан тооцоолж байна. Энэхүү санхүүжилтийг хувийн хэвшлийн хөрөнгө оруулалтыг дэмжих хүрээнд Азийн хөгжлийн банкны зээл, олон улсын бусад байгууллагуудын тусламжтайгаар шийдвэрлэхээр төлөвлөжээ.
Нийслэлийн Засаг дарга бөгөөд Улаанбаатар хотын Захирагч Э.Бат-Үүл “Нийслэлийн хамгийн тулгамдаж буй гэр хорооллын орлого багатай иргэдийг оронсууцжуулах, дахин төлөвлөлтийн төслийн хүрээнд амьдрах орчныг сайжруулах, өрхийн орлогыг нэмэгдүүлэх ажлыг хэрэгжүүлэхэд Азийн хөгжлийн банк томоохон дэмжлэг үзүүлж буйд нийслэлчүүдийнхээ нэрийн өмнөөс талархал илэрхийлье. Улаанбаатар хот нэг төвтэй хотоос 9 дэд төвтэй хот болохоор ажиллаж байна. Үүний хүрээнд эхний 2 дэд төв буюу Баянхошуу, Сэлбэ дэд төвийн ажлыг явцыг хурдасгахад Азийн хөгжлийн банк ихээхэн туслалцаа үзүүлж байгаад бид их баяртай байна” хэмээн онцлон хэллээ.
Мөн энэ үеэр Азийн хөгжлийн банкны Монгол дахь суурин төлөөлөгч Роберт Шоелхаммер Улаанбаатар хоттой томоохон төсөл хөтөлбөр хэрэгжүүлэхэд хамтран оролцож буйдаа таатай байгаагаа илэрхийллээ.
Төслийн ТЭЗҮ судалгааг 2016 оны 09 дүгээр сард дуусгах төлөвлөгөөтэй байгаа бөгөөд Монгол Улсын Засгийн газар, Азийн хөгжлийн банкны Захирлуудын зөвлөл 2017 оны нэгдүгээр улиралд баталж, төслийг хэрэгжүүлж эхэлнэ гэж НЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2015 оны 11 сарын 02
Б.Саранчимэгийг үүрэгт ажлаас нь чөлөөлжээ
“Үндэсний цэцэрлэгт хүрээлэн” нийслэлийн өмчит үйлдвэрийн газрын дарга Б.Саранчимэгийг үүрэгт ажлаас нь чөлөөлжээ. Тэрбээр 2009 оноос өнөөдрийг хүртэл тус газрын даргаар ажилласан юм. Эх сурвалжийн хэлж байгаагаар түүнийг амралттай байх үед нь ажлаас чөлөөлөх шийдвэр гаргажээ. Нийслэлийн ИТХ дахь МАН-ын бүлгээс нийслэлийн Засаг дарга Э.Бат-Үүлийг огцруулах саналыг өнгөрсөн сард өргөн барьсан. Хуульд зааснаар ИТХ-ын төлөөлөгчдийн гуравны нэгээс доошгүй нь Засаг даргыг огцруулах саналд гарын үсэг зурсан тохиолдолд хэлэлцэх ёстой байсан ч МАН-ын бүлгийн төлөөгчдийн тоо энэхүү шаардлагыг хангаагүй байдаг. Харин ощруулах саналд Б.Сарангэрэл гарын үсэг зурсан нь түүнийг ажлаас чөлөөлөх үндэслэл болсон бололтой.
-
2015 оны 11 сарын 02
Нийслэлийн засаг даргын А980 тоот захирамжийн дагуу авто худалдаа эрхлэгчдийн үйл ажиллагаа явуулж байсан долоон захыг хүчээр татан буулгаж байгаа талаар эх сурвалжууд мэдээлж байна. Өнгөрсөн амралтын өдрүүдэд вокзалын ард байрлах “Мянган машины авто худалдаа”-г УБТЗ -ын хамгаалалтын албаны цэрэгжилтийн зохион байгуулалттай алба хаагчид хүчээр буулгаж, захыг битүүмжилсэн аж. Харин ням гаригийн орой цагдаагийн албан хаагчид ”Цирк”-ийн хажуу дахь автомашин худалдаалагчдыг хүчээр тараажээ. Эдгээр авто худалдаа эрхлэгчид яг одоо вокзалын хойно байрлах 1000 машины зогсоолд эсэргүүцлээ илэрхийлэн жагсч эхэлжээ.
-
2015 оны 11 сарын 02
үймрийн улмаас угаартаж нас баржээ. Хан-уул дүүргийн 11 дүгээр хороо, Зайсангийн “Богины ам” задгайн ... тоотод, байшин шатаж байна гэсэн дуудлага өнгөрөгч сарын 31-ний өглөөний 08:50 цагт хүлээн онцгой байдлын газарт иржээ.
Дуудлагын дагуу Гал унтраах, аврах 14 дүгээр ангийн 9 алба хаагч 2 техник хэрэгсэлтэйгээр ажиллажээ.
Уг гал түймэрт иргэн Ш /63 настай, эрэгтэй/ угаартаж нас барсан байсныг дүүргийн цагдаагийн 1 дүгээр хэлтсийн бүрэлдэхүүнд хүлээлгэн өгсөн байна.
-
2015 оны 11 сарын 02
Хэнтий аймгийн цагдаагийн газраас аймгийн Засаг даргын тамгын газрын Хууль зүйн хэлтэс, аймгийн Шүүх, Прокурорын газартай хамтран “Мал хулгайлах гэмт хэрэгтэй тэмцэх ажлыг эрчимжүүлэх нь“ сэдэвт зөвлөгөөнийг сумдаа 5 бүсэд хувааж зохион байгууллаа.
Бүс бүрт харъяа сумдын Иргэдийн Төлөөлөгчдийн Хурлын дарга, сум, багуудын Засаг дарга нар, малчдын төлөөллийг оролцуулж, урд бүсийн зөвлөгөөнийг Баянмөнх, баруун бүсийн зөвлөгөөнийг Жаргалтхаан, зүүн бүсийн зөвлөгөөнийг Батноров, хойд бүсийн зөвлөгөөнийг Биндэр, төвийн бүсийн зөвлөгөөнийг Хэрлэн суманд тус тус зохион байгуулж нийт 389 албан тушаалтан, малчдыг хамруулсан байна.
Зөвлөгөөний хөтөлбөрийн дагуу цагдаагийн газраас “Мал хулгайлах гэмт хэргийн өнөөгийн нөхцөл байдал, цаашид хийх ажил”, Хууль зүйн хэлтсээс “Мал хулгайлах гэмт хэрэгтэй тэмцэх ажлыг төрөөс хэрхэн дэмжиж байгаа тухай”, аймгийн прокурорын газраас “Мал хулгайлах гэмт хэргээс урьдчилан сэргийлэх ажил”, аймгийн шүүхээс “Мал хулгайлах гэмт хэрэг үйлдсэн этгээдэд оногдуулж байгаа ялын бодлого” сэдвээр тус тус мэдээлэл хийж, сумдын мал хулгайлах гэмт хэргийн нөхцөл байдал, урьдчилан сэргийлэх чиглэлээр зохио байгуулж байгаа ажлын талаар сумдын Иргэдийн Төлөөлөгчдийн Хурлын дарга нарын мэдээллийг сонсож, санал зөвлөмж хэлэлцэв.
Зөвлөгөөнөөс “Малын хулгайгүй аймаг, малын хулгайгүй сум, малын хулгайгүй баг болох” уриалгыг гаргаж,
1. Мал хулгайлах гэмт хэрэгтэй тэмцэх ажлыг идэвхжүүлж, малчид, төрийн байгууллагууд хууль, журмаар хүлээсэн үүргээ бүрэн хэрэгжүүлэх;
2. Аймгийн Иргэдийн Төлөөлөгчдийн Хурлын Тэргүүлэгчдийн 2014 оны 10 дугаар сарын 05-ны өдрийн 03 тоот “Албан даалгавар”-ын дагуу бод малыг зурагжуулах ажлыг орон нутагтаа бүрэн хэрэгжүүлэх;
3. “Малчдын бүлэг холбоо”-г идэвхжүүлэх, зарим багт шинээр зохион байгуулж, мал хулгайлах гэмт хэргээс урьдчилан сэргийлэх ажлыг орон нутагтаа зохион байгуулах;
4. Мал хулгайлах гэмт хэрэгтэй тэмцэх, мал сүргийг гэмт халдлагаас хамгаалахад малчид, төрийн байгууллагын хамтын ажиллагааг идэвхжүүлэх гэсэн чиглэлийг гаргаж баталжээ.
Мөн хүйтэн сэрүүний улирал эхэлж, идэш хоолны цаг болж байгаатай холбоотойгоор мал хулгайлах гэмт хэрэг ихсэх хандлагатай байгаа анхааруулж, малаа байнгын хариулга маллагаатай байлгах, багийн Засаг дарга нарыг эрхэлсэн ажилдаа хариуцлагатай хандаж гарал үүслийн бичиг олгох ажилд туйлын хянамгай байж, гарал үүслийн бичиг засвар, зөрчилтэй, малын тоо зөрүүтэй тээвэрлэсэн, тууварласан бол тээврийн хэрэгслийг хуульд заасны дагуу хурааж, улсын орлого болгож шийдвэрлэх тухай мэдээллийг өглөө.
Энэ үеэр малын гарал үүслийн гэрчилгээг малчны тамгаар орлуулах, Хэрлэн сумын 8 дугаар багт цагдаагийн ажилтан ажиллуулах, Баянхутаг сумын 1 дүгээр багийн малчдад гарал үүслийн бичгийг аймгийн төвд баталгаажуулах зэрэг саналыг малчид, багийн Засаг дарга нар гаргасан байна.
Зөвлөгөөний үеэр цагдаагийн газраас Баянмөнх, Жаргалтхаан, Батноров сумдын Гэмт хэргээс урьдчилан сэргийлэх ажлыг зохицуулах салбар зөвлөлийн 2015 оны эхний 9 сард гэмт хэргээс урьдчилан сэргийлэх чиглэлээр зохион байгуулсан ажлыг шалгаж, үнэлэлт дүгнэлт өгчээ.
