-
2015 оны 8 сарын 16
Их тойруугийн замыг түр хаана
-
2015 оны 8 сарын 16
Нийслэлийн ИТХ – ын Тэргүүлэгчдийн ээлжит хуралдаан энэ сарын 17-ны өдөр буюу Даваа гарагт болно. Хуралдаанаар дараахь асуудлыг хэлэлцэнэ.
Үүнд:
- Хөтөлбөр батлах тухай / “Нийслэлийн Үйлдвэрлэл, технологийн парк хөгжүүлэх хөтөлбөр /
- Барилга худалдах тухай / “Эрхэмжаргалан” өрхийн эмнэлгийн балансад бүртгэлтэй барилгыг худалдах тухай /
- Журам батлах тухай / “Нийслэл, дүүргийн Засаг даргын нөөц хөрөнгийн төлөвлөлт, зориулалт, зарцуулалт, гүйцэтгэлийг тооцох” журам /
- Барилга байгууламж балансаас балансад шилжүүлэх тухай
- “Сүхбаатаар дүүргийн хуучин ашиглаж байсан гражийг Цагдаагийн 1 дүгээр хэлтсийн балансад шилжүүлэх”
- Барилга байгууламж бүртгэн авах тухай “МУИС-ын харьяа Байгаль-Эх лицей ахлах сургууль, Экологийн боловсролын төвийн эзэмшиж буй барилгыг бүртгэн авах тухай”
- Концесс олгох гэрээ байгуулах зөвшөөрөл олгох тухай / “Рендербау” ХХК, “Ялгуусан” ХХК, “Билэгт зам” ХХК, “Монгол элс” ХХК, “Аварга тосон рашаан сувилал” ХХК, “Дайей Пробис Монгол” ХХК, “Арц суврага” ХХК /
- “Улаанбаатар хотын хөгжлийн корпораци” ХК-ийн Төлөөлөн удирдах зөвлөлийн гишүүдийг томилох тухай
- “Нийслэлийн орон сууцны корпораци” орон нутгийн өмчит тооцоот үйлдвэрийн газар байгуулах тухай
- Нийслэлийн 2015 оны газар зохион байгуулалтын төлөвлөгөөнд нэмэлт өөрчлөлт оруулах тухай
- Шагналд тодорхойлох тухай
- Шашны байгууллагуудын хугацааг сунгах тухай
- Нийслэлийн ИТХ – ын ээлжит хуралдаанаар хэлэлцэх асуудлыг дэмжих тухай / Нийслэл хотын албан татвар суутгагчийг бүртгэх, бүртгэлээс хасах мэдээлэл солилцох журам/ асуудлыг хэлэлцэнэ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2015 оны 8 сарын 16
“UB food festival” хоёр дахь өдрөө үргэлжилж байна
-
2015 оны 8 сарын 16
Үс шинээр үргээлгэх буюу засуулахад тохиромжгүй
-
2015 оны 8 сарын 16
Монгол Улсын Их Хурлын 2015 оны ээлжит бус чуулганы өнөөдрийн /2015.08.14.Баасан гараг/ нэгдсэн хуралдаан 16 цаг 45 минутад 52.6 хувийн ирцтэй эхэллээ.
Ээлжит бус чуулганы энэ өдрийн нэгдсэн хуралдаанаар эхлээд Комисс байгуулах тухай Улсын Их Хурлын тогтоолын төслийг хэлэлцлээ. Анхны ардчилсан сонгууль болж байнгын ажиллагаатай парламент байгуулагдсаны 25 жилийн ойг тохиолдуулан Өршөөл үзүүлэх тухай хуулийг хэрэгжүүлэх ажлыг зохион байгуулах комиссыг Улсын Их Хурлын гишүүн, Улсын Их Хурлын Хууль зүйн байнгын хорооны дарга Д.Ганбатаар ахлуулан байгуулахаар тогтоолын төсөлд тусгажээ.
Тогтоолын төслийн талаарх Хууль зүйн байнгын хорооны санал, дүгнэлтийг Улсын Их Хурлын гишүүн Л.Болд танилцуулсан юм. Байнгын хорооны санал, дүгнэлттэй холбогдуулан гишүүд Байнгын хорооны даргаас асуулт, асууж тодруулсны дараа Комисс байгуулах тухай тогтоолын төслийг бүхэлд нь батлах санал хураалгахад чуулганы нэгдсэн хуралдаанд оролцсон 42 гишүүний 33 нь буюу 78.6 хувийн саналаар дэмжив. Уг тогтоолыг нь батлагдсан өдрөөс нь дагаж мөрдөх юм байна.
Дараа нь Улсын Их Хурлын дарга Өршөөл үзүүлэх тухай хууль, Комисс байгуулах тухай Улсын Их Хурлын тогтоолын эцсийн найруулгыг танилцуулав.
Үүгээр Улсын Их Хурлын 2015 оны ээлжит бус чуулган хэлэлцэх асуудлаа шийдвэрлэж, ээлжит бус чуулганы ажиллагааг хааж Улсын Их Хурлын дарга З.Энхболд үг хэллээ.
Улсын Их Хурлын дарга хэлсэн үгэндээ, 2015 оны 8 дугаар сарын 3-ны өдөр нээгдсэн Улсын Их Хурлын ээлжит бус чуулган 11 өдөр хуралдаж өнөөдөр өндөрлөж байна. Ээлжит бус чуулганаар Галт зэвсгийн тухай, Эдийн засгийн ил тод байдлыг дэмжих тухай, Өршөөл үзүүлэх тухай зэрэг хаврын чуулганы хугацаанд хэлэлцэж байсан хуулиудыг үргэлжлүүлэн хэлэлцэж баталлаа. Мөн Монгол Улсын Ерөнхий сайдын өргөн мэдүүлсний дагуу Засгийн газрын зарим гишүүдийг чөлөөлөх асуудлыг хэлэлцэн шийдвэрлэснийг онцлов.
Тэрбээр хэлсэн үгэндээ, Эдийн засгийн ил тод байдлыг дэмжих тухай хууль батлагдсанаар хувь хүн, хуулийн этгээд бусдын нэр дээр бүртгүүлсэн, нуун дарагдуулсан хөрөнгө, орлогоо сайн дурын үндсэн дээр ил тод болгон үнэн зөв, шударгаар санхүү, татварын болон нийгмийн даатгалын тайланд тусгаж, шинээр тайлагнасан, гаалийн байгууллагад нөхөн мэдүүлсэн, улсын бүртгэлд шинээр бүртгүүлсэн тохиолдолд хуульд заасан хариуцлагаас чөлөөлөх, албан татвар, хүү, торгууль, алданги нөхөн ногдуулахгүй байх нэг удаагийн чөлөөлөлтийг зохицуулахаар шийдвэрлэлээ. Энэ хуулийн үйлчлэх хүрээнд Авлигын эсрэг хуулийн дагуу хөрөнгө, орлогын мэдүүлэг гаргадаг албан тушаалтнууд хамаарахгүй гэдгийг онцлон тэмдэглэв.
Мөн Улсын Их Хурлын нэр бүхий гишүүдээс өргөн барьсан Галт зэвсгийн тухай хуулийн шинэчилсэн найруулга батлагдлаа. Монгол Улсын иргэн, хуулийн этгээдийн галт зэвсэг, түүнтэй адилтгах хэрэгсэл, сум өмчлөх, эзэмших, ашиглах эрхийг хангах, галт зэвсэг, сумны эргэлтэд хяналт тавьж, аюулгүй ажиллагааг мөрдүүлэх илүү нарийвчилсан зохицуулалтыг бий болгож, өмнө нь зохицуулагдаагүй байсан зарим харилцааг хуульчилж өгснөөрөө ач холбогдолтойг дурдлаа.
Анхны ардчилсан сонгууль болж байнгын ажиллагаатай парламент байгуулагдсаны 25 жилийн ойг тохиолдуулан эрүүгийн гэмт хэрэг үйлдсэн, ял шийтгүүлсэн этгээдэд өршөөл үзүүлэх тухай хуулийг баталлаа. Энэ удаагийн өршөөл үзүүлэх тухай хуульд иргэн бүр хууль, шүүхийн өмнө адил тэгш эрхтэй байх Үндсэн хуулийн тулгуур зарчмыг баримталсан болохыг тэмдэглэв.
Харин Өршөөл үзүүлэх тухай хуульд Монгол Улсын Ерөнхийлөгч хориг тавихаа мэдэгдсэн тул энэ хоригийг хэлэлцэхийн тулд дахин ээлжит бус чуулган зарлан хуралдуулах шаардлага гарч байгаа, түүнчлэн Засгийн газар өргөн мэдүүлсний дагуу шинээр томилох 6 сайдын асуудлыг ээлжит бус чуулганаар хэлэлцэн шийдвэрлэх болно гэдгийг хэллээ гэж Улсын Их Хурлын Тамгын газрын Хэвлэл мэдээлэл, олон нийттэй харилцах хэлтэс мэдээлэв.
-
2015 оны 8 сарын 15
Залуучуудын хөгжлийн сард “Залуучуудын иргэний оролцоог дэмжье” уриаг дэвшүүлэн залуучуудын байгууллагууд олон талт үйл ажиллагаанууд хэрэгжүүлж байгаа юм.
-
2015 оны 8 сарын 15
Өчигдөр 12.51.36 цагт Дорноговь аймгийн Дэлгэрэх сумаас зүүн зүгт 29 км-ийн зайд //У-111059/ Ө-45080// 4.2 магнитудын хүчтэй газар хөдлөлт болсон байна.
-
2015 оны 8 сарын 15
Дулааны улиралд иргэд мотоцикл, мопед, дугуйг унаж хөдөлгөөнд оролцож байхдаа өөрсдийнхөө аюулгүй байдлыг хангаагүйн улмаас бэртэж гэмтэх, амь насаа алдах явдал гарсаар байгааг Замын цагдаагийн газраас иргэдэд анхаарууллаа.
-
2015 оны 8 сарын 15
Өндөрхаан-Чойбалсан чиглэлийн 143 км хатуу хучилттай авто замын барилгын ажлыг 2015 онд бүрэн дуусгахаар болжээ.
-
2015 оны 8 сарын 15
Улсын хэмжээнд гарсан хоёр түмрийг цурамд оруулжээ.
-
2015 оны 8 сарын 15
Автотээврийн үндэсний төвөөс “Оюутан тээвэр-2” арга хэмжээг зохион байгуулж байна.
-
2015 оны 8 сарын 15
Монголын Чөлөөт Ахмадын Холбооны тэргүүн Г.Баасан энэ сарын 17-ны даваа гарагийн 11:00 цагаас хэвлэлийн хурал хийхээр зар тараажээ.
-
2015 оны 8 сарын 15
Засгийн газрын хуралдаанаар Хубилай хааны мэндэлсний 800 жилийн ойг тэмдэглэн өнгөрүүлэх арга хэмжээний төлөвлөгөө, төсвийг баталж есдүгээр сарын 15-23-ны өдрүүдэд тэмдэглэх хөтөлбөр гарган, 20 ажил хийхээр болсон.
-
2015 оны 8 сарын 15
Найман сартай дүүгээ галаас авран өөрөө 80 хувь түлэгдэж үхэл амьдралын зааг дээр тэмцэж байсан А.Цэрэнтогтох хүү БНСУ-д эмчлүүлээд өнөөдөр өглөө эх орондоо ирлээ.
-
2015 оны 8 сарын 15
2015 оны наймдугаар сарын 10-ны өдрөөс Монгол улс дахь Японы Элчин сайдын яамнаас энгийн гадаад паспорт эзэмшигч Монгол Улсын иргэдэд ”Богино хугацааны олон удаагийн виз” олгож эхэлсэн билээ.
-
2015 оны 8 сарын 15
Нар хур тэгширсэн налгар өдрүүд үргэлжилж, Улаанбаатар хотод бүтээн байгуулалтын ажил ид өрнөж байгаа энэ үед нийслэлчүүд Та бүхнийхээ амар амгаланг айлтган мэндчилж байна. Монголын бурхан шашны сүм хийдүүдээс санаачлан зохион байгуулсан Даншиг наадам Хүй мандлын дэнжид амжилттай болж, сүсэгтэн олны залбирал ерөөлийн хамт наадамчин түмэн минь дэнж хотойтол сайхан наадлаа.
-
2015 оны 8 сарын 15
Нийслэлийн Мэдээ фэйсбүүк хаягтай хүүгийн эхлүүлсэн #ХогBucketChallenge аян үргэлжилсээр байгаа билээ.
-
2015 оны 8 сарын 15
Улаанбаатар хотын нийтийн тээврийн үйлчилгээний чиглэлийн шинэчлэл өнөөдрөөс эхэлж байна.
-
2015 оны 8 сарын 15
Улаанбаатар хотод инженерийн шугам сүлжээний ажил гүйцэтгэх зорилгоор өнөөдрөөс буюу энэ сарын 15, 16-ны өдөр зарим авто замыг хаах юм.
-
2015 оны 8 сарын 15
БНХАУ-ын Бээжин хотын төв талбайд ирэх 9 дүгээр сарын 3-нд болох Чөлөөлөх дайны ялалтын 70 жилийн ойн цэргийн ёслолын жагсаалд Монголын цэрэг эрс оролцохоор болсон билээ.
