-
2015 оны 7 сарын 24
Манай улсын нийтийн тээврийн үйлчилгээ төгс болж, иргэд ая тухтай орчинд дэлхийн жишигт хүрсэн үйлчилгээг авдаг болно гэдэгт иргэд эргэлзэж байна.
-
2015 оны 7 сарын 24
Нийслэлийн хэмжээнд цахилгаан шугам тоноглолд засвар үйлчилгээ хийж байгаатай холбогдуулан цахилгаан хязгаарлах өнөөдрийн хуваарийг танилцуулж байна.
-
2015 оны 7 сарын 24
Нийслэлийн Засаг дарга бөгөөд Улаанбаатар хотын Захирагч Э.Бат-Үүл “Газрын байршил тогтоож, газар эзэмших эрх олгох тухай” А/611 дүгээр захирамж гаргалаа. Захирамжаар инженерийн шугам сүлжээний зориулалтаар Ус сувгийн удирдах газар, Улаанбаатар цахилгаан түгээх сүлжээ ТӨХК-д тус тус 15 жилийн хугацаатай газар эзэмших эрх олголоо. Үүнд:
-
2015 оны 7 сарын 24
Нисэх загварын чөлөөт нислэгийн Дэлхийн аварга шалгаруулах тэмцээн Налайх дүүрэгт байрлах Дархан Ноёны хутаг буюу Зэвсэгт хүчний 337-р ангийн дэргэд Чөлөөт нислэгийн загварийн дөрвөн хэсэгт болж байна. Энэ тэмцээнийг Монгол улсад анх удаа зохион байгуулж буй юм.
Тэмцээнд Япон, Өмнөд болон Хойд Солонгос, БНХАУ, Швед, Швейцарь, Герман, Франц, Итали зэрэг 36 орны 300 гаруй тамирчид оролцон, ур чадвараараа өрсөлдөж байна. Тэмцээний эхний өдрүүдэд “Монголын цом”, “Түвшингийн дурсгалын цом” тэмцээн зохиогдох бөгөөд ДАШТ-ий дүн ирэх наймдугаар сарын 2-ны өдөр гарна.
-
2015 оны 7 сарын 24
Өмнөговь аймгийн Автомашин мотоциклийн холбооноос санаачлан Монгол Улсад авто тээврийн салбар үүсч хөгжсөний 90 жилийн ойн хүрээнд УИХ-ын гишүүн Д.Бат-Эрдэнийн ивээл дор тус ”Мастер кросс” уралдааныг хоёр насны ангиллаар зохион явуулжээ.
Тус тэмцээний мэргэжлийн тамирчдын ангилалд тэргүүн байрыг “Хатан-Өгөөж” ХХК-ний тамирчин 07 хувийн дугаартай Б.Өнөржаргал, удаах байрыг залуу тамирчин Б.Батзориг, 3-р байрыг “Говь Фрийдом” компаний тамирчин, Спортын мастер, 33 хувийн дугаартай Д.Бадамгэрэл, тусгай байрыг “Алтанговь транс” компаний тамирчин, 73 хувийн дугаартай Ш.Сугирбаян нар тус тус эзэллээ.
-
2015 оны 7 сарын 24
Өнөөдрөөс эхлэн иргэд нийтийн тээврийн автобусанд суухдаа картаа цахим машинд уншуулж ордог болно.
-
2015 оны 7 сарын 23
Увс аймаг байгуулагдсаны түүхт 90 жилийн ой, Монголын бөхийн их баяр өнөөдөр Улаангомд эхэлсэн.
Увс аймаг байгуулагдсаны түүхт 90 жилийн ой, Монголын бөхийн их баяр өнөөдөр Улаангомд эхэлсэн.
-
2015 оны 7 сарын 23
Хөвсгөл аймгийн байгалийн цогцолбор газарт өнгөрсөн амралтын өдрүүдэд “Хууль сахиулах байгууллагуудын хамтын ажиллагаа” олон улсын эрдэм шинжилгээний хурал, уулзалт боллоо.
Энэхүү үеэр дотоод гадаадын эрдэмтэн, судлаачид хууль сахиулах салбарын сургалт судалгааны хамтын ажиллагаа, оролцогч орнуудад явагдаж буй өнөөгийн эрх зүйн салбарын шинэчлэл, гэмт хэрэгтэй тэмцэх, хил хамгаалах, шүүхийн шийдвэр гүйцэтгэх, эрдэм шинжилгээний өгүүлэл, гамшгаас урьдчилан сэргийлэх чиглэлээр илтгэл тавигдаж, хэлэлцүүлэг өрнүүлжээ.
-
2015 оны 7 сарын 23
Увс аймаг байгуулагдсаны 90 жилийн ойн баяр наадам эдгээр өдрүүдэд болж байна. Тус нутгаас төрөн гарсан улсын цолтой бөхчүүддээ эмээл, хазаартай хурдан удмын морь бэлэглэж наадмаа эхлүүлсэн увсчуудын наадмын төсвийг сонирхох хүн олон байна. Бид энэ удаа Увс аймгийн 90 жилийн ойн хүрээнд цугларсан хандивыг сонирхсон бөгөөд нийт хоёр тэрбум 792 сая төгрөгийн хандив цугларчээ. Хандивлагчдыг ажилчдынх нь 80 хувь нь Увсчууд гэгддэг Тэсо группын эзэн О.Цогтгэрэл дангаараа 672 сая төгрөг, ШУТИС-ын багш Д.Балсандорж 70 сая төгрөг, УИХ-ын гишүүн Б.Чойжилсүрэн 68 сая төгрөг, УИХ-ын гишүүн М.Сономпил 50 сая төгрөгөөр тэргүүлжээ.
-
2015 оны 7 сарын 23
Иргэдийн анхаарал, хариуцлага, санамсар болгоомжгүй байдлаас эрдэнэт хүний амь нас эндэж байна. Зөвхөн энэ сарын байдлаар 14 иргэн гол, усанд үйж амь насаа алдсан харамсалтай осол гарчээ.
-
2015 оны 7 сарын 23
Увс аймгийн түүхт 90 жилийн ой энэ онд тохиож буйтай холбогдуулан “Монгол бөхийн баяр”-ыг тэмдэглэж байна. Энэ үеэр баруун бүсийн “Их хурд -2015” болон “Монгол бөхийн баяр”-ыг зохион байгуулж байна. Яг одоо улс аймгийн алдар цолтой 256 бөхийн барилдааны нэгийн даваа үргэлжилж байна.
-
2015 оны 7 сарын 23
Энэ сарын 16-ны өдөр Хөвсгөл аймгийн Мөрөн сумын Элст багийн “Улаан байшинт” гэдэг газар Дэлгэр мөрөнд найман настай хүүхэд живсэн талаар өмнө мэдээлсэн билээ.
-
2015 оны 7 сарын 23
Ерөнхий сайд Ч.Сайханбилэг ”Гванжу-2015” универсиадад амжилттай оролцсон баг тамирчдыг шагнаж урамшууллаа. Дэлхийн оюутны зуны XXVIII универсиадад 25 орны 137 тамирчин оролцсоноос манай баг тамирчид 2 алт, 1 мөнгө, 2 хүрэл медаль авч, багаараа 24 байрт шалгарч, амжилттай оролцсон билээ.
Дэлхийн оюутны зуны XXVIII универсиадын жүдогоор алтан медаль хүртсэн Д.Сумъяад 30 сая, буудлагаар алт, мөнгөн медаль хүртсэн Э.Даваахүүд 36 сая, жүдогоор хүрэл медаль хүртсэн М.Уранцэцэг т 10 сая, буудлагаар мөнгө, хүрэл медаль хүртсэн О.Төгөлдөр, Э.Бадамгарав нарт тус тус 6 сая төгрөгийн батламжийг Ерөнхий сайд гардуулан өгч, тамирчдад амжилт хүслээ.
-
2015 оны 7 сарын 23
Монголын энхийг сахиулагчид Өмнөд Судан улсыг зориход бэлэн болжээ. Бүгд Найрамдах Өмнөд Судан Улсад НҮБ-ын мандаттай энхийг дэмжих ажиллагаанд үүрэг гүйцэтгэх Монгол Улсын Зэвсэгт Хүчний мотобуудлагын батальоны тавдугаар ээлжийн бүрэлдэхүүний Жанжин туганд хүндэтгэл үзүүлэх ёслолын ажиллагаа маргааш буюу энэ баасан гаригийн 11.00 цагт ЗХЖШ-ын жагсаалын талбайд болох юм.
-
2015 оны 7 сарын 23
Монголын дугуйн холбооноос зохион байгуулах холын зайн дугуйн уралдаан ирэх бямба гараг буюу долдугаар сарын 25-нд эхэлж ес хоног үргэлжлэх юм байна.
-
2015 оны 7 сарын 23
Элэгний С вирусны эсрэг “Харвони” эмийг ирэх аравдугаар сард оруулах гэж байгаатай холбоотойгоор иргэдийг бүртгэж байна. Цаашид элэгний С вирустай иргэдийг бүртгэх ажлыг ХӨСҮТ хариуцаж байгаа юм. Энэ асуудлаар өнөөдөр ХӨСҮТ-ийн дарга Д.Нямхүү, дэд дарга Я.Буянжаргал тэргүүтэй эмч нар мэдээлэл өглөө.
-
2015 оны 7 сарын 23
2015 оны эхний хагас жилийн байдлаар Монгол улсын хэмжээнд зам тээврийн осол, хэргийн улмаас 28 хүүхэд нас барж, 555 хүүхэд гэмтэж бэртсэн байна.
Нас барсан 28 хүүхдийн 19 тохиолдол 0-7 насны, 5 тохиолдол 8-14 насны, 4 тохиолдол 15-17 насны хүүхдүүд 14-нь явган зорчигч хэлбэрээр, 14-нь тээврийн хэрэгслээр зорчиж байх үедээ амь насаа алджээ.
28-н тохиолдолын нас барсан шалтгаан нь 2 тохиолдол нь хүүхэд гарцгүй газраар зам хөндлөн гарч байгаад, 26 тохиолдол нь тээврийн хэрэгслийн жолооч МУ-ын ЗХДүрэм зөрчиснөөс болсон байна.
Гэмтсэн 555 хүүхдийн 228 нь 0-7 настай, 242 нь 8-14 настай, 85-нь 15-17 настай хүүхдүүд 374 нь явган зорчигч хэлбэрээр, 162 нь тээврийн хэрэгслээр зорчиж байгаад, 16 нь дугуй унаж замын хөдөлгөөнд оролцсоноос, 3 нь бусад хэлбэрээр гэмтэж бэртсэн байна.
555 хүүхэд гэмтсэн шалтгаан нь 40 тохиолдол нь явган зорчигчийн буюу хүүхдийн буруугаас, 278 тохиолдол нь жолоочийн буруугаас, 3 тохиолдол нь дугуйтай хүүхдийн буруугаас, 1 тохиолдол нь асран хамгаалагчийн буруугаас зам тээврийн осол, хэрэгт өртөж гэмтэж бэртсэн байна.
ЭЦЭГ, ЭХЧҮҮД, ЖОЛООЧ НАРАА
14-н хүүхдийг тээврийн хэрэгслээр зорчиход нь хамгаалах бүс хэрэглүүлээд, зориулалтын суудалд суулган тээвэрлэсэн бол амь насаа алдах байсан уу?
Хүүхдийг зам хөндлөн гарахад нь томчууд бид тусалсан бол, жолооч та анхаарал болгоомжтой явсан бол, эцэг эхчүүд та бүхэн амьдралын хамгийн үнэтэй зүйлдээ анхаарлаа хандуулсан бол 14 хүүхэд амь насаа алдах байсан уу?
-
2015 оны 7 сарын 23
Хүнсний аюулгүй байдлыг хангах, үндэсний үйлдвэрийн болон экспорт, импортын бараа бүтээгдэхүүнийг шинжлэх, хяналт тавих, чанартай хүнс үйлдвэрлэх, экспортлохыг дэмжих чиглэлээр МХЕГ болон хүнсний эрдэм шинжилгээ, судалгаа, туршилтын “Само” институт хамтран ажиллахаар боллоо.
-
2015 оны 7 сарын 23
Увс аймаг байгуулагдсаны түүхт 90 жилийн ойн нээлт яг одоо болж байна.
-
2015 оны 7 сарын 23
Улаанбаатар хотын Захирагчийн ажлын албанаас нийслэлийн хөрсний бохирдол, тоосжилтыг бууруулах зорилгоор хийж байгаа ажлуудын нэг нь усан хөшиг юм. Үндэсний Их баяр наадмын өмнө Зайсангийн гүүрэнд усан хөшиг хийж, ашиглалтад хүлээлгэн өгч байсан бол өнөөдөр Арслантай гүүрний усан хөшигний нээлт боллоо. Нээлтийн ажиллагаанд Улаанбаатар хотын Ерөнхий менежер бөгөөд Захирагчийн ажлын албаны дарга Б.Бадрал, “Нийтийн үйлчилгээний Улаанбаатар нэгтгэл” НӨҮГ – ын дарга Д.Энхсайхан болон бусад холбогдох албаны хүмүүс оролцов. Усан хөшгийг “Хан урсгал” ХХК богино хугацаанд хийж гүйцэтгэжээ. Цаашид уг усан хөшигний үйл ажиллагааг “Нийтийн үйлчилгээний Улаанбаатар нэгтгэл” НӨҮГ хариуцаж ажиллах юм. Усан хөшиг нь шөнийн цагаар гэрэлтдэг бөгөөд өглөөний 08 цагаас 23 цаг хүртэл ажиллана.
