МАХН-ын дарга Н.Энхбаяр Төв аймгийн урьдчилсан хорих төвд очоод арав гаруй хонож байна. Энэ хооронд МАХН-ын цөөнгүй хүнийг шүүх, хуулийн байгууллагаас шалгаж, байцаасан. Мөн Н.Энхбаярын гэр бүл, хамаатан садныг ч АТГ-ынхан шалгажээ. Тэд Н.Энхбаяртай холбоотой байж болох бүх хүмүүсийн материалыг архиваас гаргуулж авсан байна. Эх сурвалжийн мэдээлж байгаагаар ургийн бичиг зохиох, хэн нэгнийг цагаатгах, бичиг баримтын зөрчил арилгах зэрэг асуудлаар архив цусан төрлийн холбоотой хүмүүсийн мэдээллийг нь гаргаж өгдөг аж. Тиймээс АТГ ямар үнэслэлээр Н.Энхбаярын хамаатан саднуудын хувийн мэдээллийг үзэж байгаагаа тайлбарлах шаардлагатай болж байна. Цаашилбал энэ нь хувь хүний нууцад халдсан хэрэг болох магадлалтайг ч эх сурвалж хэлж байна.