УИХ-ын чуулганы нэгдсэн хуралдаан үргэлжилж байна. 

УИХ-ын гишүүн Ш.Бямбасүрэн: "Шинэ хоршоо хөдөлгөөн"-ийг хир халдаахгүй л явуулах гээд байна. Хоршоогоор хөгжсөн улсууд эхлээд зах зээлээ тодорхой болгосон байдаг. Худалдан авагчид нь бэлэн байдаг. Ингэж байж хоршоогоор дамжуулж анхан шатны түүхий эдээ бэлдэж, үйлдвэрүүдээ босгож ирдэг. Гэтэл өнөөдөр бид хүнс хөнгөн үйлдвэрийн нэг ч үйлдвэр босгож чадаагүй байж, хоршоогоор дамжуулж нэгхэн жилд 800 тэрбум төгрөг гаргачхаж байна. Энэ 800 тэрбум төгрөгөнд хүүгийн татаас хэдэн төгрөг төсвөөс гарч байгаа вэ? 

ХХААХҮ-ийн сайд Ж.Энхбаяр: Шинэ хоршоо хөдөлгөөний хүүгийн татаас батлагдсан эх үүсвэр нь нэг их наяд. Өнгөрсөн жил маш богино хугацаанд 500 тэрбум төгрөг олгогдоод шинэ эх үүсвэр шаардлагатай болсон учраас 500 тэрбумыг нэмж баталсан. 1 их наяд төгрөг хүртэл хоршоог дэмжих хөнгөлттэй зээл явна. Үүний 1 их наяд төгрөгийг олгуулахын тулд дандаа хүүгийн бодлогоор арилжааны банкнаас эх үүсвэрээр шийдэж байгаа. Төсвөөс гарч байгаа зардал нь 100 тэрбум. 10 хувийг нь төсөв дээр даагаад арилжааны банкууд 6 хувийг нь гаргаж байгаа. 

М.Гал