Өнөөдөр МАХН-аас МАХН, МҮАН-аас сонгуульд гурав дахь хүчний эвсэл байгуулан оролцохоор болсон, мөн МАХН-ын дарга Н.Энхбаярыг сонгуульд нэр дэвших эрх зүйн үндэслэлтэй талаар мэдээлэл хийлээ. Өчигдөр болсон хоёр намын чуулганаар сонгуульд эвсэх шийдвэрийг гаргасан бөгөөд гурав дахь хүчний эвсэл мөрийн хөтөлбөрөө “Монголоо аврах 5 хувьсгал” хэмээн томьёолон боловсруулсан байна. Мөн өнгөрсөн дөрөвдүгээр сарын 26-нд Сүхбаатар дүүргийн шүүхийн шийдвэрээр Н.Энхбаярыг хоёр сар үргэлжлүүлэн хорих шийдвэр гарган, сэжигтнээр татагдан хоригдож байгаа ч хуулийнхаа дагуу сонгуульд нэр дэвших талаар мэдээлэв. Шүүхээс гэм буруутайг нь эцэслэн шийдээгүй буюу ял оноогоогүй байгаа учир Н.Энхбаяр намаа төлөөлөн УИХ-ын сонгуульд нэр дэвших 28 хүнээ толгойлон оролцоно хэмээн МАХН болон МҮАН-аас мэдэгдсэн юм.
Б.Золбоо
