Хот төлөвлөлт судлаач, оюутнуудын дунд "Улаанбаатар-эрүүл, цэвэр, аюулгүй хот" сэдэвтэй эрдэм шинжилгээ, судалгааны уралдааны шилдгүүдийг тодруулах гэж байна. “Азийн том хотуудын аюулгүй байдлын асуудал” Олон улсын 11 дэх удаагийн симпозиум энэ оны 10 дугаар сард Монголд болно. Ерөнхийлөгчийн ивээл дор болох симпозиумтай холбогдуулан Нийслэлийн хот төлөвлөлтийн газар уралдааныг санаачилсан байна.

     Шилдгүүдийг тавдугаар сарын 2-нд нээлттэй шүүн хэлэлцсэнээр шалгаруулах юм байна. Ингэхдээ шилдэг судлаач эрдэмтэн, шилдэг оюутан зэргээр тус бүр таван хүнийг тодруулах аж. Энэ шилдэг 10 бүтээл болон цаашид хэрэгжих ирээдүйтэй, үр дүнд хүрэхүйц илтгэлүүдийг "Азийн том хотуудын аюулгүй байдлын асуудал" симпозиумд оролцуулах аж.