Өнөөдөр Засгийн газрын хэрэгжүүлэгч агентлаг Соёл, урлагийн хороо аймаг, нийслэлийн соёлын мэргэжилтнүүдэд зориулсан сургалтыг хүний нөөцийг чадавхжуулах, мэргэжил арга зүйгээр хангах ажлын хүрээнд мэдээлэл өгч жил бүр зохион байгуулдаг билээ.

Уг сургалтад аймгуудын МХЕГ-ын Соёлын хяналтын улсын байцаагч нарыг хамруулж байгаагаараа онцлог бөгөөд сургалтаар аймгуудын нийгмийн хөгжлийн хэлтсийн соёлын мэргэжилтнүүд болон Боловсрол, соёлын газрын соёлын мэргэжилтнүүд, МХЕГ-ын Соёлын хяналтын улсын байцаагч 60 гаруй ажилтан чуулж байна.