Сүүлийн үед зам тээврийн осолд бага насны хүүхэд их гэмтэж байгааг цагдаагийн байгууллагаас анхааруулж байна. Энэ сарын 27-28-нд шилжих шөнө Сонгинохайрхан дүүргийн XXX хорооны нутаг дэвсгэрт “Хьюндай” маркийн автомашины жолооч арван настай хүүхдийг мөргөж гэмтээсэн осол гарчээ. Мөн тус дүүргийн зургаадугаар хороонд 16 настай Б-г “Портер” маркийн атомашинаар дайраад зугтсан хэрэг гарсан байна. Түүнчлэн 28-29-нд шилжих шөнө Сүхбаатар дүүргийн нэгдүгээр хороонд машин мөргөлдсөний улмаас найман сартай хүүхэд гэмтжээ. Уг хэргүүдийг харьяа дүүргийн цагдаагийн хэлтэст шалгаж байна. Б.Чимэг
