Бүх дэлхийг хамарсан Америкийн GPS-тэй адил өөрийн гэх тодотголтой Бейдоу сүлжээний цар хүрээг өргөжүүлэх зорилгыг Хятадын эрх баригчид тавьж байна. Мэргэжилтнүүд 30 төрлийн хиймэл дагуулыг 2020 он гэхэд хөөргөсөн байхаар төлөвлөжээ.
    Өчигдөр Хятад улс "Луужин" хэмээх хоёр хиймэл дагуулыг нэг пуужингаар хөөргөлөө. Синхьхуа агентлагийн мэдээлснээр Хятад улс түүхэндээ анх удаа ийм туршилт явуулсан байна. Биетийн байршлыг тодорхойлох, цаг хугацаа, Хятад дахь сүлжээ зэргийг тодорхойлох зорилготой уг хиймэл дагуулыг 2000 онд анх хөөргөснөөс хойш энэ нь 160 дахь удаагийн тохиолдол боллоо.