“Лондон-2012” зуны Олимпийн ХХХ наадам эхлэхэд 87 хоног үлдлээ. Манай улсын хувьд 30 тамирчин оролцуулахаар төлөвлөж байгаагаас одоогийн байдлаар 18 тамирчин Олимпийн эрх аваад байгаа аж. Харин байт харваа багийн төрөлд, жүдо, чөлөөт бөхийн тамирчид нэмж эрх авах тэмцээндээ оролцож байгаа аж.Эрх авсан тамирчдын мэдээллийг хүргэхэд чөлөөт бөхийн төрөлд эрэгтэйчүүдээс П.Өнөрбат /74 кг/, Ж.Чулуунбат /120 кг/, эмэгтэйчүүдээс Д.Отгонцэцэг /48 кг/, С.Бямбацэрэн /55 кг/, О.Насанбурмаа /63 кг/, О.Бурмаа /72 кг/, боксын төрөлд П.Сэрдамба /49 кг/, Н.Төгсцогт /52 кг/, У.Мөнх-Эрдэнэ /64 кг/, Б.Түвшинбат /69 кг/, буудлагын төрөлд Н.Баяраа, О.Гүндэгмаа, марафон гүйлтийн төрөлд Б.Сэр-Од, Л.Отгонбаяр, байт харвааны төрөлд Ж.Гантөгс, Б.Урантунгалаг, усан спортын төрөлд цагаан хуудсаар А.Тамир, Г.Оюунгэрэл нар “Лондон-2012”-ын галын шугаманд хурд, хүч, цэц мэргэнээ сорих гэж байна.
