"Говь" ХК нь хөрөнгийн зах зээлд нээлттэй хувьцаа гаргагч. 2011 онд хувь нийлүүлэгчдээ олгосон ногдол ашгийн өсөлт, цалингийн зардлын хэмнэлт нь компанийн үйл ажиллагааг сайжруулсан юм. Одоогийн хувьцааны ханш, өөрийн хөрөнгийн харьцаа 2010 оноос хойш багассан тул зах зээлийн үнэлгээ одоохондоо бага байх өндөр магадлалтай.

Одоогийн байдлаар "Говь" компанийн бүтээгдэхүүний борлуулалтын 65 хувь нь дотооддоо хийгдэж байна. Гадаадын худалдан авагчдын хүрээг тэлж, харилцагчаа төрөлжүүлэх зорилготой тул экспортын зах зээлд байр сууриа тэлэх боломжтой.

Дотоодын зах зээлийн худалдан авах чадвар сайжирвал бүтээгдэхүүний борлуулалт нь нэмэгдэх хандлагатай. Евробүсийн эдийн засгийн уналттай холбоотойгоор тус зах зээлд тоглох боломж хязгаарлагдмал байх магадлалтай. Монгол ноолууран бүтээгдэхүүн гадаадын зах зээлийн маш бага хэсгийг эзэлдэг.

Гэхдээ бага зээлийг эзэлдэг ч чанар, үзэмжээ сайжруулж чадвал бусад улсын ноолууран брэндтэй ижил үнэээр өрсөлдөх боломжтой.
Говь ХК нь 2007-2012 он хүртэл нийтдээ 15.5 тэрбум гаруй төгрөгөөр үйлдвэрийн шинэ техник технологид зориулж хөрөнгө оруулаад байна. Үүнээс 8.8 тэрбум буюу 59%-ийг сүлжмэлийн үйлдвэрээ шинэчлэхэд зориулсан байна.

Энэ нь бүтээгдэхүүний чанарыг сайжруулж, хөдөлмөрийн бүтээмжийг дээшлүүлсэн юм. Нарийн хийцтэй бүтээгдэхүүний технологи нь сайжирснаар брэндийн үнэлэмж үлэмж өссөн үр дүн ажиглагдлаа. Бэлэн мөнгө болон өр нь сүүлийн жилд 2 дахин өссөн нь хөрөнгө оруулалттай холбоотой. 2012 оноос хойш дахин том хэмжээний хөрөнгө оруулалт хийх төлөвлөгөөгүй байгаа нь цаашдаа ашиг нэмэгдэх өндөр боломжтой гэсэн үг юм.

"Говь" ХК нь хөрөнгийн зах зээлд нээлттэй хувьцаа гаргагч. 2011 онд хувь нийлүүлэгчдээ олгосон ногдол ашгийн өсөлт, цалингийн зардлын хэмнэлт нь компанийн үйл ажиллагааг сайжруулсан юм. Одоогийн хувьцааны ханш, өөрийн хөрөнгийн харьцаа 2010 оноос хойш багассан тул зах зээлийн үнэлгээ одоохондоо бага байх өндөр магадлалтай.

"Говь" ХК-ийн санхүүгийн мэдээлэл