Монголын залуучуудын холбоо болон Монголын оюутны холбоо УИХ-ын 45 гишүүнтэй гэрээ байгуулж, УИХ дахь залуучуудыг дэмжих лобби бүлэг байгууллаа. Төрийн ордонд болсон энэ бүлгийг нээх ёслолын ажиллагаанд 21 аймгийн төлөөлөл болсон 800 гаруй залуучууд оролцсон юм. Төрөөс залуучуудад чиглэн явуулж байгаа бодлого нь тунхаглалын шинжтэй, хэрэгжүүлэх арга механизм нь тодорхойгүй байдаг талаар залуучууд хэлж байлаа. Тиймээс дээрх 45 гишүүний дэмжлэгтэйгээр өөрсдийн санал бодлоо хуулинд тусгах боломж бий болох аж. Нээлтийн ажиллагаанд ирсэн УИХ-ын гишүүн Ч.Сайханбилэг, З.Энхболд, С.Бямбацогт, Ж.Сүхбаатар зэрэг гишүүд залуучуудыг дэмжиж ажиллана гэдгээ илэрхийлсэн юм. Залуучууд хуулийн төсөл боловсруулахад оролцож, шаардлагатай бол хууль санаачилж болох тухай энэ үеэр яригдаж байлаа.