Долдугаар сарын 1-ний хэрэгт шүүгдэгчээр татагдан хоригдож буй цагдаагийн экс дарга нар өнгөрсөн сарын 24-нөөс эхлэн өмгөөлөгчдийн нэрсийн жагсаалттай танилцаж эхэлсэн. Учир нь Сүхбаатар дүүргийн шүүхээс өнгөрсөн сарын 20-нд шүүгдэгчдэд өмгөөлөгч томилж өг гэсэн албан бичгийг МӨХ /Монголын өмгөөлөгчдийн холбоо/- нд ирүүлсний дагуу тус холбооноос ажлын хэсэг гарсан юм.Харин саяхнаас Монголын өмгөөлөгчдийн холбооны өгсөн үүргийн дагуу өмгөөлөгч сонгон авахад нь О.Алтангэрэл тусалж байгаа. Тэрээр гавъяат хуульч Г.Оюунцэцэг, өмгөөлөгч Д.Батсүх, Г.Орхон, Г.Амгалансуурь, З.Мөнхбат, Г.Золжаргал, Ё.Энхбулган нарыг цагдаагийн экс дарга нартай уулзуулсан байна. Харин экс дарга нар эдгээр өмгөөлөгчдөөс сонгох эсэхээ шийдээгүй байгаа аж.
Б.Чимэг
