"Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хууль" 2012 оны 01 дүгээр сарын 19-нд батлагдсан. 

Уг хуулийн 30.1 дэх хэсэг /Энэ хуулийг 2012 оны 7 дугаар сарын 15-ны өдрөөс эхлэн дагаж мөрдөнө./-т Монгол Улсын Ерөнхийлөгч хориг тавьсан билээ.

Тус хуульд нэмэлт, өөрчлөлт оруулах тухай хуулиар “2012 оны 7 дугаар сарын 15-ны өдрөөс” гэснийг "2012 оны 5 дугаар сарын 01-ний өдрөөс" гэж өөрчлөн заасан өдрөөс мөрдөгдөж эхэлж байна.

Төрийн тодорхой албан байгууллагын ажилтнуудад зориулан гаргасан тус хуулийг биелүүлээгүй тохиолдолд хүлээлгэх хариуцлагын талаар товч дурдвал:

-    Заасан үүргээ биелүүлээгүй байгууллагын эрх бүхий албан тушаалтныг нэг сарын хөдөлмөрийн хөлсний доод хэмжээг нэгээс тав дахин нэмэгдүүлсэнтэй тэнцэх хэмжээний төгрөгөөр торгох

-    Тодорхой хориглолт, хязгаарлалтыг зөрчсөн этгээдээр хууль бусаар хүлээн авсан бэлэг, үйлчилгээний үнэ хөлсийг төлүүлж, нэг сарын хөдөлмөрийн хөлсний доод хэмжээг нэгээс тав дахин нэмэгдүүлсэнтэй тэнцэх хэмжээний төгрөгөөр торгох, хууль бусаар орсон албан тушаалаас чөлөөлөх

-    Тодорхой хориглолт, хязгаарлалтыг зөрчсөн этгээдийг нэг сарын хөдөлмөрийн хөлсний доод хэмжээг нэгээс тав дахин нэмэгдүүлсэнтэй тэнцэх хэмжээний төгрөгөөр торгох, байгуулсан гэрээ, контракт, авсан зөвшөөрлийг хүчингүй болгох

гэх зэргээр заажээ. Энэхүү хуулинд заасны дагуу төрийн албан хаагчид албан үүргээ зөв зохистой биелүүлж байгаа эсэхэд хяналт, шаардлага тавих хэрэгтэй.

Тус хуулийг http://law.ecustoms.mn/filebase/1335759268.pdf_1335967428.pdf линкээр татаж аван үзэж танилцах боломжтой.