Өнөөдөр УИХ-ын чуулганаар Хууль зүй, дотоод хэргийн сайд Ц.Нямдоржийг сайдын суудлаас огцруулах талаар хэлэлцэж, ширүүхэн маргаан өрнөж байна. УИХ-ын гишүүд асууж, Ц.Нямдорж сайд хариулж байна. МАХН-ын дарга Н.Энхбаярыг баривчилсан үйл явдлын гишүүд Хууль зүйн сайдаас тайлбар хүссэн юм. Ц.нямдорж сайд тэр үед МАХН-ын дараг Н.Энхбаяр таван давхар хамгаалалттай байсан гэв. УИХ-ын гишүүд, хувийн хэвлэл мэдээллийн хэрэгслээрээ, намын гишүүд дэмжигчдээрээ, хувийн хамгаалалтын албаараа, төрийн хамгаалалтын албаны даргаараа давхар давхар хамгаалуулж байсан гэлээ. Харин тухайн үед Н.Энхбаяртай өрөөнд хамт байсан гишүүд эсэргүүцэж байгаа хэлж байлаа. Тухайлбал УИХ-ын гишүүн Д.Тэрбишдагва "Би тэнд байснаараа бахархаж байна. Хэрвээ би тэнд байгаагүй бол бусад шиг худал үгээр тархиа угаалгаад сууж байх байлаа. Нямдоржийн ярьж байгаа шиг тийм давхар давхар хамгаалалт байгаагүй гэлээ. Харин О.Чулуунбат гишүүн "Өнөөдөр Ц.Нямдорж сайдыг огцруулахгүй байсан ч имй хэлэлцүүлэг явж байгаа нь сайн хэрэг. Монголын улс төрчид ямар амбицтай, ёс суртахуунтай вэ гэдгийг харуулж байна" гэв.