Хууль зүй, дотоод хэргийн сайд Ц.Нямдоржийг намын нөхөд нь огцруулахгүй гэж хамгаалсаар байна. АН-ын гишүүд ч огцруулах ёстой гэсэн байр сууриа хамгаалсаар байгаа юм. УИХ-ын гишүүн С.Баярцогт “Өнөөдөр нэг хүнийг огцруулах тухай биш, танай намын асуудал яригдаж байна. Танай нам 1990 оноос хойш коммунист,  нагаржуна, дараа нь зүүний нам болсон. Бид Ц.Нямдорж сайдын энэ асуудлыг сөхөөгүй. Танай намын гишүүд л анх тавьсан. Бид нар огцруулъя гэсэн санал өгөхгүй байсан ч танай намынхан нууцаар санал өгөөд унагаачихна. МАН дотор МАХН-ыг дэмждэг олон хүн байгаа.  Ц.Нямдорж сайд маш зоригтой огцорхгүй гэдгээ мэдээд ингэж зоригтой дуугарч байна. Нуцаар саналаа хураах хэрэгтэй. Танай нам 2012 оны сонгуульд ялагдана. Ялагдсаны дараа ялгарал нь хүчтэй явагдана” гэв.