Өнөөдөр олон улсын хэвлэлийн эрх чөлөөний өдөр. 2012 оны дөрөвдүгээр сарын байдлаар, олон улсын хэвлэлийн эрх чөлөөтэй орнуудын жагсаалтыг гаргасан байна. Жагсаалтыг харахад ОХУ нь хэвлэлийн эрх чөлөөгүй улсаар нэрлэгджээ. Чөлөөтэй хэвлэн нийтлэх, эх сурвалжаа нууцалж болох эсэх, төр засгийн эсрэг эсэргүүцсэн мэдээлэл гаргаж болдог эсэх гэсэн хэд, хэдэн шалгуураар хэвлэлийн эрх чөлөө тус улсад хэр хангагдсан байгаагаар нь нэгээс эхлэн жагсаадаг. 172-р байрт Азербайжин, Зимбабе улсууд хамт жагсчээ. Монгол улсын хувьд хэвлэлийн хагас эрх чөлөөтэй орны тоонд багтдаг.
Олон улсын "хэвлэлийн эрх чөлөө" үзүүлэлтээр дэлхийн 197 улс орныг жагсаалаа. Энэхүү жагсаалтад эхний 10-т орсон улс орны нэрсийг харж байна. Финлянд, Норвеги, Швед улсууд хэвлэлийн эрх чөлөөгөөрөө тэргүүлж нэгдүгээр жагслаа.
Дэлхийн 197 улсаас хэвлэлийн эрх чөлөөгөөрөө сүүлийн тавд жагссан улс орны нэрсийн жагсаалтыг гаргав. 197-р байранд Хойд Солонгос оржээ. Хэвлэлийн эрх чөлөө огтоос огт яригддаггүй эдгээр улсад чөлөөт хэвлэлийн "үнэр" ч байдаггүй гэсэн үг.
Нийт 197 орноос хэвлэлийн эрх чөлөөтэй 66 орон байна. Хагас эрх чөлөөтэй 72 орон байгаа бол 59 оронд чөлөөт хэвлэлийн салхи салхилаагүй байна.
Монгол улс хэвлэлийн эрх чөлөөгөөрөө дэлхийн 197 орноос 80-р байранд буюу хагас эрх чөлөөтэй орны тоонд хамаарагдаж байна. Манай улстай хамт Энэтхэг улс жагсчээ.
Хэвлэлийн эрх чөлөө хаана, яаж тогтож байгааг газарзүйн байрлалаар харууллаа. Ногооноор тэмдэглэсэн нь хэвлэлийн бүрэн эрх чөлөөтэй, шараар тэмдэглэсэн нь хагас, нил ягаан өнгөөр тодруулсан нь хэвлэлийн эрх чөлөөгүй орнууд юм.
Г.Мөнхтуяа
