“Георгийн тууз” арга хэмжээ нь 5-р сарын 9-нийг дуустал үргэлжилнэ. Энэхүү арга хэмжээний бэлэгдэл улбар шар-хар өнгийн туузыг Монголын иргэд Улаанбаатар хот дахь Оросын шинжлэх ухаан, соёлын ордон дээрээс авч болно.Тус ордонд тавдугаар сарын 5- нд Аугаа эх Ялалтын 67 жилийн ойн баярт зориулсан хүндэтгэлийн арга хэмжээ болно. Тэнд хүрэлцэн ирсэн хүн бүрт “Георгийн туузыг” гардуулна.
Дөрөвдүгээр сарын сүүлчээр Улаанбаатар хотын Оросын шинжлэх ухаан, соёлын ордноос Аугаа эх орны дайны Ялалтын баярт зориулан зохион явуулсан арга хэмжээ болов. Арга хэмжээний үеэр “Георгийн тууз” –аар сурагчдын энгэрийг нь мялаажээ. “Георгийн тууз” арга хэмжээ нь дэлхийн 30 гаруй орныг хамраад байна. Сүүлийн жилүүдэд 50 гаруй сая төгрөгийн үнийн дүн бүхий "Георгийн тууз"-ыг тараажээ.
« Аугаа эх орны дайны хүнд хэцүү үед Зөвлөлтийн Улаан армид монголын ард түмний сэтгэл харамгүй тусламжийн хөрөнгөөр боссон “Монгол ард” нисэх эскадриль болон “Хувьсгалт Монгол” танкийн цуваа Берлин хүрч, фашистуудыг бут цохиход хувь нэмрээ оруулж байсныг Оросын ард түмэн үүрд санан дурсах болно. 1945 оны 8-р сард Дэлхийн II дайны хоёрдахь шатны тулаанд Орос-Монголын дайчид Говь-Хянганыг туулж, Японы түрэмгийлэгчдийг бут цохин, хүн төрөлхтний хамгийн их цус урссан дайныг төгсгөсөн юм» гэдгийг Оросын цэргийн ангийн удирдлага онцолж байна.
