Украйны ерөнхий сайд асан Юлия Тимошинкогийн бие тааруу, нурууны өвчин нь хүндрээд байгаа тул яаралтай эмчилгээ хэрэгтэй болоод байгаа юм. Тиймээс Юлия Тимошинкогийн намынхан болон гэр бүлийнхэн нь Орос руу эмчилгээнд явуулах хүсэлт гаргажээ. Харин ОХУ-ын ерөнхийлөгчөөр томилогдох гэж байгаа В.Путин түүнийг хүлээж авахад бэлэн гэдгээ мэдэгджээ. В.Путин “Хэрэв Украйны эрх баригчид зөвшөөрч байгаа бол бид хамгийн сайн гэсэн эмнэлэгт эмчлүүлэх боломжоор хангана” гэж мэдэгджээ. 51 настай Юлия Тимошинко ашиг сонирхлыг зөрчилтэй гэрээ хийсэн гэж долоон жилийн хорих ял авсан юм. Шоронд хоригдсон үеэс түүний нурууны өвчин улам хүндрээд байгаа аж.
