Энэ жилийн сонгуульд гадаадад ажиллаж, амьдарч, сурч буй монголчууд оролцож саналаа өгнө. Тиймээс гадаадад байгаа монголчуудынхаа саналыг авахын тулд намууд ихээхэн хүчин чармайлт гаргаж эхэллээ. МАН-ынхан НАМЗХ-ныхоо шугамаар ажиллаж байна. Энэхүү бодлогын хүрээнд НАМЗХ-ны салбар АНУ, Япон, БНСУ зэрэг олон оронд байгуулагдлаа. Хамгийн сүүлд НАМЗХ-ны салбарыг өчигдөр Швед, Белги зэрэг европын орнуудад байгууллаа. Харин АН-ынхан Х.Тэмүүжин тэргүүтэй залуу гишүүдээ гадаадад илгээж, суртал ухуулга хийх ажлыг эхлүүлсэн. Ийнхүү гадаадад байгаа монголчуудын санал МАН, АН-д үнэтэй болсон нь харагдаж байна.