Москва хотын төв талбайд өчигдөр В.Путиныг ерөнхийлөгч болохыг эсэргүүцсэн томоохон хэмжээний жагсаал болжээ. Өнөөдөр Москвагийн цагаар 11.30, Улаанбаатар хотын цагаар 16.30 цагт В.Путин ОХУ-ын ерөнхийлөгчийн тангараг өргөх юм. Энэ үйл явдлыг эсэргүүцсэн жагсагчид ойр хавийн байшин, барилга рүү юм шидэж, “Путингүй Орос орон”, “В.Путин бол хулгайч” гэх зэргаар хашгирч, эмх замбараагүй байдал үүсгэсэн байна. Тэд цагдаа нар руу чулуу, шил шидсэний улмаас 12 цагдаа эмнэлэгт хүргэгджээ. Хэрэв баривчлагдсан хүмүүс цагдааг гэмтээсэн гэдэг нь тогтоогдвол 10 жил хүртэлх ял авах магадлалтай юм байна.

    Цагдаа нар “Анти-Путин” хөдөлгөөнийг тэргүүлдэг Борис Немцов, Зүүний радикал үзэлтэй бүлгийн удирдагч Сергей Удаслов болон нийтлэлч Алексей Навалны нарыг оролцуулан 250 гаруй хүнийг баривчилжээ.
    Өнөөдөр болох ерөнхийлөгчийн тангараг өргөх ёслолын ажиллагааг “You tube” сайт шууд дамжуулна. Энэ үер ОХУ-ын Засгийн газар аюулгүй байдалд ихэд анхаарах гэнэ.