МАХН-ын дарга Н.Энхбаяр ШШГЕГ-ын харьяа цагдан хорих 461 дүгээр ангийн нэгдсэн эмнэлэгт хэвтэн эмчлүүлж буй. Түүнийг эхнэр хүүхэдтэй нь уулзуулна гэж байсан уулзуулаагүй гэдгийг түүний хүү Э.Батшугар мэдэгдсэн.
    МАХН-ын дарга Н.Энхбаяр ШШГЕГ-ын харьяа цагдан хорих 461 дүгээр ангийн нэгдсэн эмнэлэгт хэвтэн эмчлүүлж буй. Түүнийг эхнэр хүүхэдтэй нь уулзуулна гэж байсан уулзуулаагүй гэдгийг түүний хүү Э.Батшугар мэдэгдсэн. Харин үдээс хойш Н.Энхбаярын өмгөөлөгч Б.Оюунчимэг Н.Энхбаяртай уулзсан билээ. Тэрээр уулзаж гарч ирээд “Н.Энхбаярын бие маш муу байна. Бид дөнгөж сая өөртэй нь уулзаад гарч ирлээ. Уулзах зөвшөөрлийг АТГ, ШШГЕГ-аас өгсөн. Одоогийн байдлаар ойр зуурын эмчилгээ хийж байна. Элгэнд нь өөрчлөлт орсон учраас нэн түрүүнд тариа хийсэн. Уг тариа нь хүний сэтгэцэд хэсэг хугацаанд нөлөөлдөг юм байна. Н.Энхбаяр одоо тайвширсан бөгөөд хэвийн байдалдаа эргэн орж байна” гэв. Тэрээр ойр зуурын эмчилгээ хийлгэж байгаа боловч өлсгөлөнгөө зогсоохгүй гэдгээ мэдэгдээд, цаашид албадан эмчилгээ ч хийлгэхгүй гэжээ.