МАХН-ын дарга Н.Энхбаярт холбогдох хэргийг АТГ-аас шалгаж дуусч, өчигдөр яллах дүгнэлт үйлдүүлэхээр Нийслэлийн прокурорын газарт шилжүүллээ. Түүнийг АТГ-аас албан тушаалаа ашиглаж, эрх мэдлээ хэтрүүлсэн хэмээн гурван жилийн өмнөөс шалгаж эхэлсэн.
    МАХН-ын дарга Н.Энхбаярт холбогдох хэргийг АТГ-аас шалгаж дуусч, өчигдөр яллах дүгнэлт үйлдүүлэхээр Нийслэлийн прокурорын газарт шилжүүллээ. Түүнийг АТГ-аас албан тушаалаа ашиглаж, эрх мэдлээ хэтрүүлсэн хэмээн гурван жилийн өмнөөс шалгаж эхэлсэн.
    Уг хугацаанд Н.Энхбаярыг мэдүүлэг өг хэмээн арван удаа дуудсан ч ирээгүй хэмээн өнгөрсөн сарын 13-нд Төв аймгийн урьдчилан хорих төвд саатуулсан юм. Түүний суллагдах хугацаа өнгөрсөн сарын 27-нд дуусах байсан ч АТГ-аас яллагдагчаар татах хүсэлтийг Нийслэлийн прокурорын газарт хүргүүлснээр Сүхбаатар дүүргийн шүүхээс түүнийг яллагдагчаар татаж, хоёр сар хорих шийдвэр гаргасан юм.     Харин уг шийдвэрийг түүний өмгөөлөгчид эсэргүүцэж, давж заалдах шатны шүүхэд гомдол гаргаад байсан. Уг гомдлыг өчигдөр Сүхбаатар дүүргийн шүүхэд хэлэлцэн, түүнийг хоёр сар хорих шийдвэрийг хэвээр үлдээсэн аж. Тэрээр хоригдоод 25 хонож байгаа. Энэ хугацаанд тэрээр гэр бүлийнхээ эсрэг нэг ч мэдүүлэг өгөхгүй хэмээн мэдүүлэг өгөөгүй юм. Мөн хавтаст хэрэгтэйгээ ч танилцахгүй байгаа аж. Харин өмгөөлөгч нарыг нь хавтаст хэрэгтэй нь танилцуулж эхэлжээ.
    Түүний хэргийг     АТГ-аас маш хурдан хугацаанд шалгаж, яллах дүгнэлт үйлдүүлэхээр Нийслэлийн прокурорын газарт шилжүүлснийг Н.Энхбаярыг сонгуульд оролцуулахгүйн тулд яллахаар улайрч байна хэмээн эх сурвалжууд мэдээлж байна.   Учир нь түүнийг сонгуульд өрсөлдөх эрх нь нээлттэй байгаа аж. Н.Энхбаяр өнгөрсөн баасан гаригаас эхлэн өлсгөлөн зарласан ч бямба гаригийн өглөө бие нь эрс муудаж, шоконд орсон юм. Тиймээс түүнийг ШШГЕГ-ын харьяа цагдан хорих 461 дүгээр ангийн нэгдсэн эмнэлэгт хэвтүүлсэн. Мөн өчигдөр түүнтэй эхнэр нь уулзаж, өлсгөлөнгөө зогсоохыг шаардсан ч тэрээр өмгөөлөгчөөрөө дамжуулан батлан даалтад гаргатал өлсгөлөнгөө зогсоохгүй хэмээн мэдэгдээд буй.