Мягмар гарагт хоёр буутай этгээдэд барьцаалагдсан турк прокурор амиа алдсан тухай “CNN” мэдээлжээ. Туркын Стамбул хотын шүүхийн байранд 12:30 цагийн орчимд барьцаалагдаад байсан прокурор Мехмет Сели Киразыг сулласны дараа эмнэлэгт хүргэгдсэн боловч шархаа даалгүй нас барсан байна.
Туркын ерөнхийлөгч Тайип Эрдагоны мэдэгдсэнээр Мехмет Сели Кираз таван шарх авсан байжээ.
Тус улсын Зонгулдак, Ардахан хотоос гаралтай “Ардын чөлөөлөх хувьсгалт фронт” нэрт зүүний эсэргүүцлийн хөдөлгөөний дайчид прокурорыг Стамбулын шүүхийн байранд барьцаалж толгойд нь гар буу талган дарамталсан аж.
Прокурор Кираз нь засгийн газрын эсрэг үймээний үеэр амиа алдсан 15 настай босогч Беркин Элваны хэргийг хянаж байсан юм байна. Өсвөр насны хүү 2013 оны зургаадугаар сард болсон их бослогын үед баривчлагдсан бөгөөд есөн сар комд байсны эцэст амиа алдсан юм. Хувьсгалын фронтынхон хүүг гадны нөлөөгөөр амиа алдсан хэмээн буруутгаж байгаа гэлээ.
Прокурорыг суллах ажиллагааны үеэр хоёр барьцаалагч алагдсан бөгөөд тэдний хэн болохыг олон нийтэд мэдээлээгүй байна.
Г.Үжин