Сүүлийн үед МҮЭХ-ны Ерөнхийлөгч С.Ганбаатарыг Хан-Уул дүүрэгт нэр дэвшихээр болсон тухай мэдээлж байгаа. Гэвч С.Ганбаатар МАН-ын нэрийн өмнөөс нэр дэвшихээр тохирчихоод байгаа аж.  Учир нь тэрээр бие даагаад одоогийн сонгуулийн хуулиар амжилт олохгүй гэж үзсэн бололтой. Тиймээс аль нэгэн намд элсэх, эсвэл сонгуулийн хуулийн тодорхой заалтын дагуу намын нэрийн өмнөөс нэр дэвших асуудлыг судалж байгаа гэнэ. МҮЭХ-ны байр суурь нь МАН-ын бодлоготой илүү ойр байдаг учир тэрээр энэ намыг сонгохоор ярилцаж эхэлжээ. Ингэснээр иргэний хөдөлгөөнийхний сүүлийн гол төлөөлөгч С.Ганбаатар МАН-ыг бараадаж байгаа бололтой. Түүнээс өмнө хүний эрхийн хуульч М.Ичинноров, “Үндэсний соёомбо” хөдөлгөөний тэргүүн Б.Лхагважав хоёр МАН-ыг сонгосон. Харин О.Магнай, Ж.Батзандан нар АН-ыг илүүд үзсэн. Гэвч М.Ичинноров МАН-аасаа саяхан гарсан гэх мэтээр иргэний хөдөлгөөнийхөний түүх үргэлжилж байна.