Монгол улсын иргэн Ш.Алтантуяагийн амийг Малайзын улс төрийн нөлөө бүхий иргэн зэрлэгээр бүрэлгэсэн хэргийг Францын шүүх дахин сэргээхээр болжээ. Малайзын Засгийн газрын зарим албан тушаалтнууд Франц, Испаниас шумбагч хөлөг онгоц худалдаж авахдаа их хэмжээний авлигын хэрэгт холбогдсныг Ш.Алтантуяа нэр заан илчилсэн. Гэсэн ч өнөөг хүртэл түүний амийг хөнөөсөн этгээдэд хариуцлага хүлээлгээгүй, хэргийг хаагаад байсан. Харин Францын шүүх энэ хэрэгт Малайзын ерөнхий сайд Нажиб Разак холбоотой байх магадлалтай гэж үзэж байгаа аж. Тиймээс Ш.Алтантуяагийн хэргийг сэргээж, дахин шалгахаар болжээ.