Өнөөдөр 16.00 цагаас МАХН-ын төв байр цагаан ордонд эмч нарын бүрэлдэхүүн МАХН-ын дарга Н.Энхбаярын биеийн байдлын талаарх хамгийн сүүлийн үеийн мэдээллийг өгөхөөр болжээ. Түүний биед үзлэг хийсэн АУ-ны доктор хүний гавъяат эмч Г.Баясгалангаар ахлуулсан Р.Цэдэн-Иш, Я.Эрдэнэ-Очир, О.Ганчулуун, С.Энхтуяа, Г.Тунгалаг, Ц.Чинбаяр нар дүгнэлтдээ “Одоогоор уушигны архаг өвчний шинж илэрч байна. Өлсгөлөнг үргэлжлүүлэх нь өвчтөний амь насанд эрсдэлтэй байна. Цусны даралт ихэссэн, АД 130/90, ЛДГ өндөр гарсан тул зүрхний хэвийн үйл ажиллагаа алдагдсан амь нас нь эрсдэх өндөр магадлалтай” гэсэн дүгнэлтийг хийсэн байна. Гэвч Н.Энхбаяр намайг хууль бусаар хорихоо зогсоох хүртэл би өлсгөлөн зарласаар байх болно гэдгээ өмгөөлөгчөөрөө дамжуулан мэдэгдсэн юм.
Эмч нарын дүгнэлт.
Б.Чимэг
