Кубын хувьсгалын удирдагч асан Фидель Кастро 14 сарын дараа анх удаа олны өмнө гарчээ. Тэрээр өнгөрсөн бямба гаригт нийслэл Гаванад Венесуэлийн төлөөлөгчидтэй уулзсан байна.

Өдгөө 88 настай тэрбээр биеийн тамирын хувцастай байсан аж. Фидель Кастро сууж явсан автобусныхаа цонхоор зочидтой гар барин мэндчилжээ. Мөн Кубын удирдагч асан тэдэнтэй Өмнөд Америкийн орнуудын хөдөө аж ахуйн салбарын үйл ажиллагаа, олон улсад тулгамдаад буй зарим асуудлаар хууч хөөрсөн гэнэ. Венесуэлийн төлөөлөгчид Кубын Ардын найрамдлын хүрээлэнгийн урилгаар Гавана хотод ирсэн байсан бөгөөд Фидель Кастрог “Фидель мандтугай” гэх үгсээр угтсан аж.

Кубын хувьсгалын эцэг Фидель Кастро 2006 онд хүнд өвчилж, терийн эрхээ отгон дүү Раульдаа шилжүүлсэн юм. Харин эдгэрснийхээ дараа тэрээр нэг хэсэг олон нийтийн арга хэмжээнд идэвхтэй оролцож байгаад сүүлийн жил гаруй хугацаанд алга болсон байсан билээ.

Г.Үжин