Өнөөдөр 16.00 цагаас МАХН-ын төв байранд хүний их эмч Анагаах ухааны доктор, профессор Л.Жамбалжав, Хөдөлмөрийн баатар анагаах ухааны доктор, профессор Н.Хайруул нар МАХН-ын дарга Н.Энхбаярын биеийн өнөөгийн байдлын талаар мэдээлэл хийлээ.
    Өнөөдөр 16.00 цагаас МАХН-ын төв байранд хүний их эмч Анагаах ухааны доктор, профессор Л.Жамбалжав, Хөдөлмөрийн баатар анагаах ухааны доктор, профессор Н.Хайруул нар МАХН-ын дарга Н.Энхбаярын биеийн өнөөгийн байдлын талаар мэдээлэл хийлээ.
    Л.Жамбалжав эмч “Өчигдөр 20.00 цагийн үед эрүүл мэндийн яамны эмч нарын хэсэг Н.Энхбаярын биед үзлэг хийсэн. Тэдний үзлэгээр биеийн байдал хүндэвтэр, бие сул сульдаж байна, лабораторын билирубин 71 болж нэмэгдсэн, эс задралын шинжтэй, шээсэнд кетоны биет ялгарч байгаа нь бие махбодид нүүрс-ус дутагдаж өөхний задрал болж байгаа. Зүрхний бичлэгт вольтаж, зүрхний шахалт багассан зэрэг нь зүрх суларч байна. Биеийн ерөнхий байдал суларч байгаа, нойрмог ядруу, тамир тэнхээ муу, гар салгалсан, хордлого гүнзгийрч, элэг бөөрний ажиллагаа алдагдсаар байна. Түүний амь насыг нь авран хамгаалах аюулт байдлаас гаргах нарийн мэргэжлийн эрчимт эмчилгээнд яаралтай оруулахыг хүсэж байна” гэлээ. Харин Хөдөлмөрийн баатар анагаах ухааны доктор, профессор Н.Хайруул “Эмч хүн бол эрүүл хүний найз нөхөр, өвчтэй хүний эцэг эх нь байдаг. Харамсалтай нь Н.Энхбаяр эмч нарын тусламжийг авч чадахгүй тэнд өвдөн зовж байна. Яаралтай арга хэмжээ авч өгнө үү” гэлээ.