МАХН-ын дарга Н.Энхбаярыг хүний эрхийг хамгаалагч олон улсын байгууллагууд хамгаалалтандаа авахаар болжээ. Өнөөдөр 17.00 цагаас Үндэсний мэдээллийн төвд Английн парламентийн дээд танхимын гишүүн Лорд Смит болон хүний эрхийн хуульч Н.Оюунбаатар нар энэ талаар мэдээлэл хийлээ. Ноён Лорд Смит хурлын үеэр “Н.Энхбаярыг буруутгасан хэргийн үндэслэл материалтай бүрэн танилцаагүй байгаа. Гэвч түүнийг байцаахгүй хориод байгаад гайхаж байна. Аль ч улс оронд сэжигтнээр хорьсон хүнийг удаан хугацаагаар хорьдоггүй. Олон улсын жишгээр тухайн сэжигтнээр хоригдож байгаа хүний биеийн байдал муудахад мөрдөн байцаалтыг зогсоож эмчилгээнд хамруулдаг юм. Тиймээс Н.Энхбаярын эрүүл мэнд муудаж байхад суллах хэрэгтэй” гэлээ.
Б.Золбоо
