2013 онд АНУ-ын Бостон хотод зохиогдсон гүйлтийн тэмцээний үеэр бөмбөг дэлбэлсэн хэрэгт 21 настай Жохар Царнаевыг буруутай болохыг шүүхээр тогтоолоо. Чечень гаралтай залууг 30 зүйлээр буруутгасны бүгдэд нь буруутай хэмээн тогтоосон байна. Эдгээр 30 зүйлийн ихэнх нь үхэл ял оноох ёстойг баталж байсан аж.
Жохар Царнаевыг буруутай хэмээн баталсан Массачуссеттс мужийн шүүх түүнд оноох ялыг ирэх долоо хоногийн даваа гаргийн шүүх хурлаар шийдвэрлэхээр болсон байна. Энэ хурлаар хэрэгтэнд цаазаар авах ял оноох ёстой хэмээн үзэж буй хүн олон байгаа юм.
Хэрэгтнийг өмгөөлөгчид Жохар Царнаев террорист хэрэгт оролцсон боловч түүний ах удирдаж байсан хэмээн өмгөөлсөн байна. Хэрэгтний ах Тамерлан Царнаев баривчилах ажиллагааны үеэр цагдаа нартай мөргөлдөх үед буудуулж амиа алсдан билээ.
Харин шүүгчид Жохар Царнаевыг буруутай хэмээн үзэхэд хүргэсэн хамгийн чухал нотолгоог түүний халдлагын дараа нуугдаж байсан завин дээр юм бичиж үлдээгээд, завины арын хэсэгт нь тэсрэх бөмбөг байршуулж байсан бичлэг хэмээн мэдээлж байна. Энэхүү бичлэгээр Жохар Царнаев нь тэсрэх бөмбөг дэбэлэх дадлагатай гэдэг нь харгадсанаас гадна дахин халдлага хийхэд бэлэн байсан нь харагдсан гэжээ.
Энэхүү мэдээллийн дараа Бостон хотын дарга Мартин Уолш шүүхийн шийдвэрийг дуртайяа хүлээн зөвшөөрч буйгаа илэрхийлсэн байна. Тэрээр “Шүүхийн өнөөдрийн шийдвэр энэхүү хэргийн хаалтын багахан хэсэг хэмээн найдаж байна” гэж мэдэгджээ.
Хоёр жилийн өмнөх Бостон хотын дэлбэрэлтээр гурван хүн амиа алдаж, 260 хүн гэмтэж бэртсэн юм.
Г.Үжин
