Өнгөрсөн хавраас огцом унасан ч тогтвортой хэмжээнд байсан нефьтийн үнэ өчигдөр дахин буурлаа. Тодруулбал, Брэнт маркийн газрын тосны үнэ баррель нь 72 центээр буурч 58.38 ам.доллар болсон бол CLc1 маркийнх нь 1.03 ам.доллараар буурч, 52.95 ам.доллар болжээ.

Шинжээчид нефьтийн үнийн энэхүү уналтыг АНУ-ын нөөц болон Саудын Арабын газрын тосны олборлолтын мэдээтэй холбон тайлбарлаж байна. “АНУ-ын долоо хоног тутмын нөөц хүлээлтээс давж, Саудын Apaбын газрын тосны олборлолт өнгөрсөн гуравдугаар сард дээд хэмжээндээ хүрсэнтэй холбоотойгоор газрын тосны үнэ нэгээс илүү хувиар буурлаа” хэмээн барууны хэвлэүүд бичжээ.

АНУ-ын нөөцийн өсөлт, Саудын Арабын олборлолтоос гадна ОПЕК-ийн орнууд газрын тосны үйлдвэрлэлээ бууруулахгүй  хэмээн мэдэгдсэн нь мөн нөлөөлжээ. Түүнчлэн Вашингтон, Тегераны яриа хэлэлцээ амжилттай болсонтой холбоотойгоор Иран улс газрын тосны нийлүүлэлтийн талбарт жинтэйгээр эргэн орж ирэх төлөвтэй байгаа нь газрын тосны үнэд ойрын үедээ өсөх боломж олгохгүй биз хэмээн мэдээлж байна.

Брэнт, CLc1 төрлийн газрын тосны үнэ аль аль нь енгөрсөн зургадугаар сараас хойш 50 гаруй хувиар буураад байгаа юм.

Г.Үжин