Цагаан ордны кибер халдлагатай тэмцэх ажлын хэсэг шалгаж буй хэрэгтээ Оросын хакеруудыг буруутгасан хэмээн “CNN” агентлаг мэдээллээ.

Тус сайтад бчисэнээр “Сүүлийн хэдэн сарын турш Цагаан ордны компьютерийн системийн зарим нууц мэдээлэлтэй хэсэгт нэвтэрсэн хэрэгт Оросын хакерууд холбоотой” хэмээн ажлын хэсэг дүгнэсэн байна.  

Гэвч нэрээ нууцалсан эх сурвалж чухам чагаад ийм дүгнэлт хийсэн тухай тайлбарыг өгөхөөс татгалзсан бөгөөд албаныхан удахгүй олон нийтэд мэдээлнэ гэжээ.

Хакеруудын халдлагад Цагаан ордны компьютерийн системийн зөвхөн өндөр нууцлалгүй хэсэг өртсөн гэж байгаа ч Ерөнхийлөгчийн олон нийтэд нээлттэй буй ажил, уулзалтуудын төлөвлөгөө, цагийн хуваарь зэрэг тодорхой хэмжээний нууцын зэрэглэлтэй мэдээлэлд халдсан учир ноцтойд тооцож байгаа аж.

Ийм төрлийн мэдээлэлд гадаадын тагнуулын агентлагууд өндөр үнэ төлдөг байна. Эх сурвалжийн мэдээлж буйгаар, компьютерийн сүлжээнд нь сэжигтэй зүйл ажиглагдаж буйг Цагаан ордныхон өнгөрсөн оны аравдугаар сард мэдсэн бөгөөд хүсэлт тавьж тусгай шалгалтыг оруулснаар тагнаж байсныг нь илрүүлжээ. Мөн аюулгүй байдлыг сайжруулах үүднээс тухайн системийг түр хугацаагаар хаасан байна.

Цагаан ордны компьютерийн систем ийн халдлагад өртсентэй холбоотойгоор Холбооны мөрдөх товчоо, Тусгай алба, АНУ-ын тагнуулын агентлагууд нэгдэн АНУ-ын Засгийн газрын эсрэг томоохон кибер халдпага явуулж байж болзошгүй гэж үзэн өргөн хүрээг хамарсан мөрдөн шалгалт явуулж байгаа юм.

Г.Үжин