БНХАУ дэлхийн хамгийн өндөр оргил Эверест уулын доогуур төмөр зам барихаар судалж байгаа тухай Хятадын төрийн өмчит “Сяньхау” агентлаг мэдээлснийг “Guardian” эш татан нийтэлжээ.   

Хятад улс Төвдийн төмөр замыг цааш нь Балбатай холбох боломжийг судалсны хүрээнд хамгийн боломжит хувилбараа дэвшүүлсэн байна. Энэ нь Эверест уулан доогуур тунель гаргаж төмөр замаа барих аж.

Хятадын төмөр замын мэргэжилтэн Ван Меньшугийн мэдээлснээр “Балбын хүсэлтээр энэ төслийн бэлтгэл ажил хэдийнээ эхэлсэн” гэжээ. Тэрээр  “Төмөр зам мэдээж Жомолунгма уулын доогуур гарах болохоор барилгачид хэд хэдэн том хонгил барих шаардлагатай болно” хэмээн ярьсан байна.

Энэ төмөр зам баригдах юм бол Хятад-Балбын хооронд төмөр замын харилцаа бий болох бөгөөд цагт 120 км-ийн хурдтай галт тэргээр олон сая хүн зорчино хэмээн хүлээж байгаа аж.

Хэрвээ төслийг хэрэгжүүлбэл Хятад дэлхийн хамгийн өндөрт төмөр зам барьсан орон болох юм. Хятадын тавьсан Цинхай-Төвдийн төмөр зам нь одоогоор дэлхийн хамгийн өндөрт байршсан хэмээн тодорхйологддог. Энэ замын 80 орчим хувь нь далайн түвшнээс 4000 метрийн өндөрт байдаг юм.

Ингэснээр БНХАУ Энэтхэгийн нөлөөллөө тогтоосон Шри Ланкад нөлөөтэй болох тул Энэтхэг улс энэхүү төслийг эсэргүүцсэн байр суурьтай мэдээлэл өгчээ.

Г.Үжин