МУГЖ, Зууны манлай эстрадын дуучин Б.Сарантуяа  "СЭХҮҮН САЛХИ" төрсөн өдрийн ес дэх тоглолтоо энэ сарын 20-нд Монгол бөхийн өргөөнд тоглох гэж байна. Тоглолтонд  "RANDOM" хамтлаг,  "ОЛОНХИ" хамтлаг, Үндэсний дуу бүжгийн эрдмийн чуулга, БЦДБЧ-ын бүжигчид оролцоно.

Мөн зууны манлай эстрадын дуучин Б.Сарантуяа төрсөн өдрийн тоглолтондоо зориулсан хэвлэлийн бага хурлаа сонирхолтой хэлбэрээр хийх гэж байна. Хэвлэл мэдээллийн байгууллагын төлөөлөл болсон сэтгүүлчид  нүүр тулж хүссэн асуултаараа кофе уунгаа ярилцах боломжийг МУГЖ Б.Сарантуяа та бүхэнд олгож байна. Сэтгүүлчидтэй ярилцах нийт хугацаа 2 цаг байх болно. Нэг хэвлэл мэдээллийн байгууллагын сэтгүүлч 10 минутын хугацаанд дуучнаас сонирхсон мэдээллээ аваарай. Дуучин хамгийн өвөрмөц, сонирхолтой яриа өрнүүлсэн нэг сэтгүүлчийг сонгож өөрийнхөө БЭЛЭГ-ийг өгөх болно. Сэтгүүлчид та бүхэн дуучин Б.Сарантуяатай хийх нүүр тулсан кофетэй хэвлэлийн бага хурлын цагаа сонгож тоглолтыг зохион байгуулагчдад хандаж болох юм байна.

Бүх хэвлэл мэдээллийн байгууллагын сэтгүүлчид та бүхнийг урьж байна.

ХААНА: Улаанбаатар ресторан  
ХЭЗЭЭ: 2015.04.13
ХЭДЭЭС: 11:00-13:00  

Холбогдох утас:99091726
Зохион байгуулагч: Apple production

Д.Ундрах /24tsag.mn/