1961 оны дөрөвдүгээр сарын 12 бол дэлхийгээс анх удаа хүн сансарт ниссэн өдөр.

        Сансарт хүн нисгэж болох эсэх туршилт эхлэх засгийн газрын тушаал 1952-1953 онуудад Сталины гарын үсэгтэй гарч байжээ. Тушаал ёсоор Агаарын Хүчний Командлал туршилтанд орох цэргийн албан хаагчдын бүлгийг Нислэгийн Эрүүл мэндийн судалгааны Төвийн (НИИАМ) дэргэд байгуулав. Доктор Е.Карпов туршилтын хэсгийн анхны даргаар томилогджээ.

Тэр сүүлдээ Сансрын Нисгэгчдийн Бэлтгэлийн Төвийн анхны тэргүүн болсон юм.

Харин НҮБ-ын Ерөнхий Ассамблей 2011 оны дөрөвдүгээр сарын долоонд хуралдаж, 60 гаруй орны өргөн барьсан саналыг үндэслэн энэ өдрийг Олон улсын сансрын нисгэгчдийн өдөр хэмээн баталжээ. Дэлхийн зарим орон 2001 оноос хойш энэ өдрийг «Юрагийн өдөр» болгон тэмдэглэж, өсвөр залуу үеийнхнийг сансар судлалд татан оруулах олон арга хэмжээ зохион байгуулах болсон юм.

27 настай Юри Гагарин ЗХУ-ын "Восток-1"  хөлгөөр сансарт нисч, 108 минутад /1 цаг 48 минут/ эх дэлхийгээ нэг тойроод буусан юм. Гагарин сансарт анх ниссэн гэдгээс гадна дэлхийн тойрог замыг анх удаа тойрсон гэдэг амжилтыг бас эзэмшдэг.

Юри сансарт ниссэний дараа дэлхийн олон орны урилгаар социалист болон капиталист, цаашлаад гуравдагч орнуудад зочилж маш их төрийн дээд одон медалиар шагнагдсан байдаг.

Сансрын нисэгчдийг бэлтгэх "Оддын хотхон"-ыг түүний нэрэмжит болгосон юм.

 Юри гагарин 1968 оны гуравдугаар сарын 27-нд (Союз хөлгийн анхны нислэгийн багийн даргаар нисэхээр бэлтгэгдэж байсан) байлдааны МиГ-15 онгоцны нислэгийн туршилтын үеэр амь үрэгдсэн.

Юри Гагарин 1.57 метрийн өндөртэй, маш сайхан инээмсгэлдэг хүн байсан. Сансарт нисэхэд бүхээгт чөлөөтэй багтах жижигхэн биетэй хүн хэрэгтэй байсан гэлцдэг юм билээ.

Сансар, гариг ертөнцтэй холбоотой сонирхолтой баримтууд
 
1. Сансрын нисгэгчдийн хувьд нар 1,5 цаг тутамд мандаж, бас жаргадаг. Өөрөөр хэлбэл өдөрт 16 удаа гэсэн үг. Иймээс сансрын нисгэгчдийн нойрны дэглэм алдагдахаас сэргийлэн сансрын хөлөг, станц дээр дэлхийн цагийг баримтлах болжээ.

 
2. Манай дэлхий сансраас яг хар дэвсгэр дээрх хөх зээрэнцэг шиг харагддаг гэнэ. Мэдээж, сансрын нисгэгчид сарны эсрэг талыг харах боломжтой. Сансарт нүдэнд үе үе гэрэл гялбас хийдэг. Үнэндээ энэ нь гэрэл биш, сансрын радиацийг тархи ингэж мэдэрдэг аж. Энэ гялбаа нүдэнд маш хортой юм байна.

 
3. Та сансарт очоод 5-8 см өндөр болно. Яагаад гэвэл сансарт хүндийн хүч байхгүй учраас сээр нуруу тэгширдэг аж. Гэхдээ хожим нь нуруу өвдөх, мэдрэлийн систем хямрах шинж тэмдэг илэрдэг. Ихэнх сансрын нисгэгчид сансрын өвчинд нэрвэгддэг. Таталцлын хүч байхгүй тул сансарт хэдэн cap байсны дараа хөл, гарын байрлалыг мэдрэхгүй, удирдаж чадахаа байдаг гэнэ. Түүнчлэн дэлхийд ирээд барьсан юмаа унагадаг зуршилтай болдог аж.

 
4. Сансарт хүндийн хүч байхгүй тул тэнд хүмүүс хурхирдаггүй.

5. 1996 онд сансрын хоёр нисгэгч секс хийжээ. Тэд жингүйдэлд 10 байрлал туршиж, зургааг нь сунадаг бүс ашиглахгүйгээр хийх боломжгүйг тогтоосон байна. Италийн эрдэмтэд «Жингүйдлийн орчинд эрчүүдийн цусан дахь тестостерон багасдаг тул бэлгийн дур хүсэл төрдөггүй» хэмээн мэдэгджээ.

24tsag.mn