АНУ-ын Ерөнхийлөгч Барак Обама Панамад болсон чуулга уулзалтын үеэр Кубын тэргүүн Раул Кастротой уулзаж хэлэлцээр хийсэн байна. Хоёр орны төрийн тэргүүн нарын дээд хэмжээний уулзалт хамгийн сүүлд 1959 онд болж байжээ. Ийнхүү 56 жилийн дараа АНУ, Кубын төрийн тэргүүнүүд уулзав.
Барак Обама энэ удаагийн уулзалтыг “түүхэн уулзалт” гээд, хоёр орны дайсагналыг зогсоох тухай мэдэгджээ. Тэрээр “АНУ болон Кубын хоорондын харилцааг хэвийн болгох нь зөвхөн уг хоёр оронд төдийгүй бусад олон орнуудад ч шинэ боломж нээх болно” гэжээ. Түүнчлэн Цагаан ордны тэргүүн коммунист дэглэмтэй орны хүний эрхийн асуудлыг анхаарахыг дурдсан байна. “Бид хоёр улсын хоороилын зөрчилдөөнийг нээлттэй ярилцлаа. Нийгмийн тогтолцооны талаархи бидний үзэл бодол хоорондоо маш их зөрчилдөж буй. Би ардчилал, хүний эрх, хэвлэлийн чөлөөт байдал зэрэг асуудлыг байнга ярьсаар байх болно гэдгийг нуулгүй хэлсэн” хэмээн Барак Обама нэмж ярив.
Кубын тэргүүи Раул Kacтpo "Ард түмэн хүнд замыг туулж олж авсан үзэл санаанаасаа Гавана ухрахгүй” гэж мэдэгджээ. Түүнчлэн Куба улс социализмыг хөгжүүлж, эдийн засгийг сайжруулах бодлогыг үргэлжлүүлэх болно гэжээ. “Бид зарим асуудлаар санал зөрөлдөх тухай ярилцлаа. Бид бүгдийг хэлэлцэхэд бэлэн, гэхдээ тэсвэр хэрэгтэй” гэж Раул Кастро ярив. Кубын төрийн тэргүүн АНУ-ын тус улсын эсрэг тавьсан хориг арга хэмжээг зогсоохыг уриалсан байна.
2014 оны сүүлчээр АНУ болон Кубын төрийн тэргүүн нар хагас зуунаас илүү хугацааны дараа анх удаа утсаар ярилцаж, хоёр орны хоорондын харилцааг хэвийн болгох боломжийн талаар ярилцсан билээ.
Г.Үжин
