Өнөөдөр 16.00 цагийн орчим "Нүхт" амралтын газрын тоглоомын саадны хажууд баригдаж байсан барилга нурснаас 10 гаруй хүн дарагджээ. Одоогоор хүний амь эрсэдсэн гэх мэдээлэл байхгүй байна. Түүнчлэн дарагдсан хүмүүсийн биеийн байдлын талаарх тодорхой мэдээлэл ч ирээгүй байгаа аж. Хэргийн газарт онцгой байдлын дөрвөн машин, цагдаагийн дөрвөн машин, эмнэлгийн таван машин ирээд байна. Онцгой, цагдаагийн алба хаагчид шуурхай ажиллан, урьдчилсан байдлаар барилгын карказ нурсан хэмээн таамаглаж байна. Хэргийн талаар манай сайт эргэн мэдээлэх болно. Б.Чимэг
