Исламын хэт даврагч Боко Харам бүлэглэл өнгөрсөн жил Нигерийн 50 гаруй охидыг хулгайлсан. Тэгвэл хулгайлагдсан охидын зарим нь гурван долоо хоногийн өмнө амьд явж байсан хэмээн эх сурвалж хэллээ хэмээн "BBC" агентлаг мэдээлжээ.
Эх сурвалж эмэгтэйн мэдээлснээр тэрээр охидын зүүн хойд хэсгийн Гвоза тосгонд харсан байна. Охид тэнд Боко Харамын дайчидтай хамт байсан бөгөөд шашны хүчнийхэн хэт даврагсдыг тосгоноос шахан гаргахын өмнөхөн тэднийг харсан гэжээ.
“Боко Харамын дайчид Чибокын охидыг том байшинд байлгадаг хэмээн ярьсан" гэжээ. Тэрээр халдлагад өртөж магадгүй хэмээн айсны улмаас өөрийгөө нууцлахыг хүссэн байна. Түүнээс хаана дайчидтай ярилцсаныг асуухад “Бид тэдэнтэй хамт зам нийлж таарсан юм” хэмээн хариулсан байна.
Эх сурвалжаас гадна гурван өөр эмэгтэй энэхүү мэдээллийг баталгаажуулсан байна.
Боко Харам бүлэглэл нь жилийн өмнө Чибок тосгоноос 219 охиныг хулгайлснаар олон улсын анхаарлыг ихэд татах болсон юм. АНУ, БНХАУ болон бусад томоохон гүрнүүд охидыг олоход тусална хэмээн амлаж байсан ч одоо хүртэл дорвитой үр дүн гараагүй байна.
Сургуулиасаа сураггүй алга болсон олон зуун охидын эцэг эхэд тэдний заримыг нь амьд явааг харсан гэх мэдээлэл ихээхэн итгэл найдвар болж байгаа аж. Гэвч тэдний одоо хаана байгаа тухай тодорхой мэдээлэл алга.
Энэхүү мэдээллийн дараа хулгайн хэрэгт эрх баригчид болон олон нийтийн анхаарлыг татах зорилгоор Ниегрийн нийслэл Абужа хотод чимээгүй жагсаал зохион байгуулжээ. “Бидний охидыг буцаагаад авчраас” нэртэй кампанит ажлыг зохион байгуулагчид мэдээж хулгайлагдсан хүүхдүүдийн гэр бүлээс гадна хүний эрхийн байгууллагын дэмжигчид байгаа юм.
Уул нь энэхүү кампанит ажлыг зөвхөн энэ долоо хоногт ч бус жилийн хугацаанд явуулсаар ирсэн ч мөн л үр дүн гараагүй билээ.
Боко Харам бүлэглэлийн толгойлогч Абубакар Шекау "хулгайлагдсан охид бүгд бидний нэгэн адил исламын үзэлтэй болсон бөгөөд манай дайчидтай гэрлэсэн" хэмээн мэдэгдэж байсан юм. Түүний энэхүү мэдэгдлийг олон улсын ажиглагчид охидыг дайны олз хэмээн үзэж секс боолууд болгосон гэх мэдээллийг үгүйсгэх зорилготой хэмээн үздэг.
Ирак, Сирид ч олон зуун охидыг хулгайлсан гэдгээрээ алдартай Шекау харгис үйлдлээрээ алдаршиж буй Исламын улс бүлэглэлийнхэнтэй нэгдэнэ хэмээн амласан юм.
Боко Харам бүлэглэл 2014 оны наймдугаар сард Гвоза тосгоныг эзлэн авч удирдлагуудаа байршуулж байсан хэмээн яригддаг. Гэвч Нигерийн цэргүүд болон хил залгаа улсуудын хамтарсан цэргүүд өнгөрсөн сард тосгоны эргүүлэн авсан билээ.
Террорист уудыг Камеруны хилийн ойролцоох Мандараа ууланд бүгсэн хэмээн сэжиглэж байгаа юм.
Бүрэн эрхийн хугацаа нь дуусч буй Нигерийн ерөнхийлөгч Гүдлак Жонатанг Боко Харам бүлэглэлийн зургаан жилийн харгислалыг дарж, охидыг чөлөөлж чадсангүй хэмээн ард түмэн нь шүүмжилж байна. Харин өнгөрсөн сонгуулиар ялалт байгуулсан Мухаммаду Бухари босогчидтой тэмцэж дарна гэдгээ амлаад байгаа юм. Тэрээр ирэх тавдугаар сарын 29-ны өдөр ерөнхийлөгчийн тангараг өргөнө.
Товч: Боко Харам гэж хэн бэ?
-2002 онд байгуулагдсан бөгөөд барууны боловсролыг эсэргүүцэх үзэл баримтлалтай
-Боко Харам гэдэн нь хауса хэлээх “Барууны боловсролыг хориглоно” гэсэн утгатай үг аж
-2009 онд Исламын улс байгуулахаар цэргийн үйл ажиллагаа зохион байгуулсан
-Зүүн хойд Нигерид олон удаа терроризм явуулж мянга мянган хүнийг хөнөөсөн
-Нийслэл Абужа хот дахь НҮБ-ын төв байр луу дйарсан
-Сургуулийн насны 200 гаруй охидыг хулгайлсан
-Хэт даврагч Исламын улс бүлэглэлтэй хамтран ажиллана хэмээн мэдэгдсэн
Г.Үжин
