АНУ-ын Флорида мужийн Сенатч Марко Рубио 2016 оны Ерөнхийлөгчийн сонгуульд нэр дэвшиж буйгаа албан ёсоор зарлалаа. Ингэснээр тэрээр уг сонгуульд нэрээ дэвшүүлж буй Бүгд найрамдах намын гурав дахь төлөөлөл болж байна. Түүний намаас Сенатч Рэнд Раул болон Тэд Круз нар ерөнхийлөгчид өрсөлдөхөө зарлаад байгаа юм.

44 настай Марко Рубио өнөөгийн ерөнхийлөгч Барак Обамагийн баримталж буй бодлогыг шүүмжлэгч байр сууриараа алдартай. Тэрээр сонгуулийн кампанит ажлаа нээхдээ “Өнгөрсөн үеийн санаачилга, лидерүүдийг март. Шинэ зууны Америкийг цогцлоон бүтээх бидний үе ирлээ” хэмээн хэлжээ.

Куба-америк гаралтай тэрээр Барак Обамаг цагаачлалийн бодлого болон Кубатай дипломат харилцаагаа сэргээснийг ихээхэн шүүмжилдэг юм.

Марко Рубиогийн эцэг эх 1956 оны үед АНУ-д цагаачлан ирж байжээ. Өдгөө тус улсад Кубаас цагаачлан ирсэн гурван сенатч байдгийн нэг нь Марко Рубио юм. Түүнийг энэ удаагийн сонгуульд гол өрсөлдөгч болно хэмээн үзэж байна.

2010 онд Флорида мужийн сенатчаар сонгогдсон тэрээр засгийн газар болон батлан хамгаалахын төсөв, үр хөндөлт, Ираны цөмийн хөтөлбөрийн хэлэлцээр зэрэг асуудлуудад когсерватив үзлээс ханддаг. Түүнийг өмнө нь намынх нь гишүүд хоёр намын өргөн барьсан Сенатын цагаачлалын хуулийн шинэчлэлийг дэмжлээ хэмээн буруутгаж байсан юм.

Г.Үжин