Өнөөдөр Засгийн газрын ээлжит бус хуралдаанаар "Монголын  төмөр зам" төрийн өмчит компаний захирал Б.Батзаяаг ажлаас нь чөлөөлөх талаар яригдсан гэж эх сурвалж мэдээллээ. Б.Батзаяа нь МоАХ-ны тэргүүн, УИХ-ын гишүүн Х.Баттулгын бие хамгаалагчаар ажиллаж байгаад энэ албан тушаалд томилогдсон юм. Түүнийг Х.Баттулга гишүүний хятад, солонгосчуудтай хийсэн  нууц гэрээ гэгчид гарын үсэг зурсан хэмээн хэвлэлээр нэг хэсэг шуугисан юм. Харин тэрбээр энэ нь ямар нэг нууц гэрээ байгаагүй гэж няцаалт хйисэн ярилцлага өгч байсан. Засгийн газар шинэ бүрэлдэхүүнтэй болоод удаагүй байхдаа "Монголын төмөр зам" компанитай үйл ажиллагааны чиглэл адил "Үндэсний төмөр замын суурь бүтэц" компани байгуулах шийдвэр гаргасан. Энэ нь  УИХ-ын гишүүн Х.Баттулгын хүн гэгдэх Б.Батзаяаг ажлаас нь чөлөөлөх эхний алхам байсан тухай бид өмнө нь мэдээлж байсан.
   Харин маргааш Б.Батзаяаг ажлаас нь чөлөөлөх эсэхийг ТӨХ-ны хуралдаанаар шийдэх болжээ.