Яг өнөөдрийн байдлаар 13 аймгийн 39 сум ой, хээрийн түймэрт автаад байна. Тэр дундаа Хэнтий, Дорнод, Сүхбаатар аймгийн сумдын газар нутаг бүр ч их галд өртөөд байгаа юм. Өнгөрсөн долоо хоногт гэхэд л Дорнод аймгийн Хэрлэн суманд гурван айл шатсан хэрэг хоногт гарсан. Энэ үеэр Хэрлэн сумын Засаг даргын орлогч Т.Энхтөр нөхцөл байдалтай танилцахаар гал гарсан газар дээр очжээ.

Гэхдээ тэрбээр гал унтраалцахаар бус зөвөлгөө өгөхөөр очсон энэ аж. Ингэхдээ тэрбээр ганган хүрэм, костьюм, пиджак, зангиа, хар, шилээр гангарч очсон нь олны инээдийг хүргээд амжлаа.  Хүмүүс гал унтраахад өөрсдийгөө бүрэн бэлдэж очиж байхад энэ хүн  "Бонд" төрхтэйгээр очсон нь тэнд очиж ард иргэддээ туслах бодол огт байхгүйнх нь эсвэл дарга хүн ингэж л явах ёстой гэсэн бодолтой нь холбоотой юм шиг.

Ямартаа ч түүний энэ зургийг харсан хүмүүс Т.Энхтөрийг хүнд үед иргэддээ гар, бие сунган  туслахаар бус зөвхөн нөхцөл байдалтай очиж танилцсан гэх нэр зүүхээр тэнд очиж хэмээн ярьж байна.

Т.Сар