ОХУ-ын Ерөнхийлөгч Владимир Путин өнгөрсөн баасан гарат ард түмэнтэйгээ нээлттэй ярилцлага хийсэн. Тэгвэл тэрээр маргааш нь буюу бямба гарагт “Вести в субботу” телевизийн нэвтрүүлэгт оролцсон байна.
Тэрээр энэ үеэрээ АНУ-ын дараагийн ерөнхийлөгчтэй хамтран ажиллахад бэлэн хэмээн ярьжээ. Тодруулбал, В.Путин “Би америкчуудын сонгосон ямар ч төрийн тэргүүнтэй хамтран ажиллахад бэлэн байх болно. Учир нь бид хэн нэгэн хувь хүнтэй биш, дэлхийн нөлөө бүхий томоохон гүрэнтэй хамтарч ажиллах тухай ярьж байна шүү дээ” хэмээн хэлжээ.
Энэ нь Ерөнхийлөгч Барак Обамагийн өнөөгийн байдлыг дипломат утгаараа ёжилсон хэрэг боллоо хэмээн Оросын хэвлэлд бичжээ.
АНУ болон Европын холбоо Москваг Крымийг хүчээр нэгтгэсэн хэмээн буруутгаж, эдийн засгийн хатуу хоригуудыг хэрэгжүүлснээр хоёр орны харилцаа улам муудаад байгаа билээ.
Г.Үжин
Сэтгэгдэл (5)