Сүүлийн үед Монгол улсад баригдаж буй олон тооны барилгын материалуудыг Солонгос улсаас худалдан авах нь ихэсчээ.
Сүүлийн үед Монгол улсад баригдаж буй олон тооны барилгын материалуудыг Солонгос улсаас худалдан авах нь ихэсчээ.
Ялангуяа Улаанбаатар хотын ойролцоо баригдаж буй амины орон сууцнуудын барилгын материалыг худалдаж авахаар Монгол бизнесмэнүүд өөрсдийн биеэр ирж байгаа бөгөөд тэд ийм бизнес эрхэлдэг компаниудыг хайн очиж газар дээр нь худалдан авахыг илүүд үзэж байгаа ажээ. Гэвч үүнийг далимдуулан Монголчуудыг хууран мэхлэж маш бага үнээр худалдана хэмээн урьдчилан мөнгийг нь аваад зугатаасан гэмт хэрэг сүүлийн жил гарах боллоо.
Монгол улсын бизнесмэн Б бусад таван хүний хамт өнгөрсөн гуравдугаар сард барилгын сапуд худалдан авахаар ирээд Чонан хотын барилгын хуучин хэрэгсэл зардаг болон түрээсэлдэг газраар явсан ажээ.Энэ үед тэд нэгэн Солонгос эмэгтэй даргатай компаниар орохдоо тус бүр нь 16 мянган воноор үнэлэгдэх сапудыг есөн мянган воноор зарах хүн байгаа саналыг сонсон байна. Улмаар уг эмэгтэйгээр дамжуулан Кёнгиду, Пёнгтэгт байрладаг барилгын компаны эзэн гэгдэх Кимтэй танилцсан ба маш бага үнээр олдож буй барилгын сапудыг авах гэрээг тэр дор нь гүйцэтгэн 94 сая воныг шилжүүлсэн байна.Харин мөнгийг авсан Ким утсаа салган алга болж,түүнийг зуучилсан Солонгос эмэгтэй ч Кимийг сайн танихгүй болж таарсан бөгөөд одоогоор цагдаагийн газраас Ким болон эмэгтэй захирал нар нууц амрагийн холбоотой байсан төдийгүй хамтран залилан хийснийг тогтоожээ. Залилан хийгч Ким одоо болтол олдоогүй байгаа бол мөнгөө алдсан Монголчууд, Солонгос эмэгтэйгээс Кимийн сургийг гаргахаар түүний ойр орчим байнга байгаа тухай энэхүү мэдээнд бичжээ.
