Үндэсний статистикийн хорооноос Улаанбаатар хотын хүнсний зах,худалдааны төвүүдэд худалдаалж буй хүнсний гол нэрийн барааны үнийг өмнөх сартай болон долоо хоногийнхтой харьцуулсан судалгааны дүнг танилцууллаа. Судалгаагаар хүнсний гол нэрийн барааны дундаж үнэ өмнөх сар болон долоо хоногийнхоос 0,2 хувиар өссөн нь тогтоогджээ. Энэ сарын эхний долоо хоногт худалдсан махны үнийг өмнөх сарын дундажтай харьцуулахад үхрийн махных 0,7-1,1 хувь хонины махных 1,6 хувь адууных 0,5 хувь ямааных 1,7 хувиар өсчээ. Харин өмнөх долоо хоногийнхтой харьцуулахад хонины махны үнэ 0,9хувь ямааны махны үнэ 2,8 хувь адууны махны үнэ 0,5 хувиар өсч үхрийн цул махны үнэ 0,1 хувиар буурсан бол үхрийн ястай махны үнэ тогтвортой байсан байна. энэ сарын хоёрны байдлаар кг хонины ястай махны үнэ дунджаар 7125 төгрөг үхрийн ястай мах 7714 төгрөг ямааны мах 5575 төгрөг адууных 6186 төгрөг хонины цул мах 7714 төгрөг үхрийн цул мах 8725 төгрөгний үнэтэй байжээ. Одоо зарж байгаа гурилын үнийг өмнөх сарын мөн үеийнхтэй харьцуулахад “Алтан тариа” компанийн нэгдүгээр зэргийн гурил задгайгаар 0,3 савласан дээд гурилын үнэ 0,4 хувиар тус тус буурчээ. Бусад төрлийн гурилын үнэ харьцангуй тогтвортой байжээ. Элсэн чихрийн ханшийг өмнөх сар болон долоо хоногийнхтой харьцуулахад тогтвортой байсан аж. Харин цагаан будааны үнэ өмнөх сарынхаас 0,2 хувиар буурчээ.
Баянзүрх худалдааны төвийн махны үнэ
Үхрийн гуяны цул |
Кг |
9500 төгрөг |
Үхрийн ястай мах |
Кг |
7200 -8300 төгрөг |
Хонины цул мах |
Кг |
6800-7500 төгрөг |
Хонины ястай мах |
Кг |
6600 төгрөг |
Ямааны цул мах |
Кг |
6200 төгрөг |
Адууны ястай мах |
Кг |
5500 төгрөг |
Адууны цул мах |
кг |
6300 төгрөг |
Дээрхи үнэ 2-3 долоо хоногийн өмнөхтэй харьцуулахад зарим нь тогтвортой мэт байгаач зарим нь 100-200 төгрөгөөр нэмэгдсэнийг олж харж болно тухайлбал: Үхрйин цул мах 9200 төгрөг байсан бол өчигдөрийн байдлаар 9500 төгрөг болж нэмэгдсэн байна.
