Галыг унтраахаар үүл буудуулжээ

2012-5-10

Өнөөдрийн 13.00 цагийн байдлаар улсын хэмжээнд 17 аймгийн 72 сумын нутагт 118 удаагийн түймэр бүртгэгдсэн байна. Өнөөдөр Архангай, Булган, Сэлэнгэ, Хөвсгөл, аймгийн найман сумын 11 түймэр асч, Сэлэнгэ, Төв, Булган, Дорнод, Хөвсгөл аймгийн нутагт зургаан түймэр цурманд, Хөвсгөл аймгийн Арбулаг, Хэнтий Норовлин сум гарсан хоёр түймэр бүрэн унтарлаа.
Түймрийг унтраахаар Онцгой байдлын албаны 246 албан хаагч, Хилийн цэргийн 21 албан хаагч, аймгийн БОАЖГ-ын Ойн нэгж, сумын сум дундын ойн анги, орон нутгийн иргэн нийлсэн 1220 иргэн, 88 автомашин, техник хэрэгсэл ажиллаж байна.
Мөн өчигдөр өглөөний 9.00 цагаас өнөөдрийн 09.00 цаг хүртэлх хугацаанд Монгол орны нутаг дэвсгэрт үүлэнд зориудаар нөлөөлж, хур тунадас нэмэгдүүлэх үйл ажиллагаа явуулсан байна.
Үүний үр дүнд Увс аймагт 4мм хүртэл /Түргэн сум 4мм/, Баян-Өлгий аймагт 5мм хүртэл /Даян сум 5мм/, Хэнтий аймагт 8мм хүртэл /Норовлин сум 8мм/ тунадас тус тус орсон.
Өнөөдрийн байдлаар Ховд, Төв, Хөвсгөл аймгийн экспедицүүд үүлэнд ажиллахаар бэлэн байдалд байгааг ЦУОШГ-ын харьяа “Хурын шим” төвөөс мэдээлэв.

АСАЖ БАЙГАА ТҮЙМРИЙН МЭДЭЭ

№	Аймгийн нэр	Сумын нэр	Газрын нэр	Ажиллаж буй хүн, хүч	Түймэр гарсан сар, өдөр
1	Сэлэнгэ	Түшиг	“Шар нарс Хандгайт”	56 хүн, 5 автомшин	2012.05.03-ны 2030цагт
2	Сэлэнгэ	Цагаан-нуур	“Нарийн шүрэнгийн эх ”	52 хүн, 7 автомашин	2012.05.04-нд
3	Булган	Тэшиг	“Гурван хөөгийн нуруу”	24 хүн, 2 автомашин	2012.05.09-ний 1755 цагт
4	Архангай	Ихтамир	“Элстэй голын модны эх”	57 хүн, 4 автомашин	2012.05.09-ний 1500цагт
5	Хөвсгөл	Цэцэрлэг	“Дөшдөг”	77 хүн, 5 автомшин	2012.05.08-ны 1830 цагт
6	Хөвсгөл	Цагаан-Үүр	“Хяслын гол”	137 хүн, 51 морь, 3 автомашин	2012.05.04-нд
7	Хөвсгөл	Цагаан-Үүр	“Бөргөөгийн гол”, “ Армагийн ангархай”	83 хүн, 19 морь, 8 автомашин	2012.05.04-нд
8	Хөвсгөл	Цагаан-Үүр	“Аргалтайн гол”	5 хүн морьтой	2012.05.05-нд
9	Хөвсгөл	Цагаан-Үүр	“Хээгт”	103 хүн, 20 морь, 4 автомашин	2012.05.05-ны 1000 цагт
10	Хөвсгөл	Чандмань-Өндөр	“Халхан”	206 хүн, 65 морь, 6 автомашин, 30 мотоцикль	2012.05.05-ны 1700цагт
11	Хөвсгөл	Улаан-Уул	“Гуя”	80 хүн, 5 морь, 30 мотоцикль, 5 автомашин	2012.05.06-нд

УНТАРСАН ТҮЙМРИЙН МЭДЭЭ

№	Аймгийн нэр	Сумын нэр	Газрын нэр	Ажиллаж буй хүн, хүч	Цурманд орсон сар, өдөр
1	Төв	Бор-нуур, Бат-Сүмбэр	“Сүжигтийн ам”, “Зурамтай”	126 хүн, 13 автомашин	2012.05.06-ны 1800цагт
2	Төв	Мөнгөнморьт	“Зүүн байдлагын хөх нуур”	42 хүн, 4 автомашин	2012.05.09-ны 0200 цагт
3	Дорнод	Баяндун	“Шивэртийн ам”,“Жаргалантын адаг”, “Нэмнэ” /хээрийн/	114 хүн, 6 автомашин	2012.05.06-ны 2000цагт
4	Сэлэнгэ	Баянгол	“Өлөнтийн эх”, “Тариатын даваа”	216 хүн, 8 автомашин	2012.05.09-ний 1400цагт
5	Хөвсгөл	Алаг-эрдэнэ	“Чаргайт”	119 хүн, 2 морь, 5 автомашин	2012.05.09-ний 1000цагт
6	Булган	Хангал	“Шавартын даваа”	34 хүн, 5 автомашин	2012.05.07-ны 2000цагт