БСШУ-ны сайд Ё.Отгонбаярын үед энэ салбарт багагүй өөрчлөлт гарсан. Тэрээр хувь хүнийхээ хувьд ч их өөрчлөгдөж байгаа гэж эх сурвалж хэллээ. Энэ нь үргэлж “жиргэж” байгаагаар нь илэрнэ гэсэн марзандуу гаргалгаа саарал ордноор тарах боллоо. Боловсролын сайд маань морь харах, эхнэрийгээ үнсэхээс бусдыгаа твитертээ бичиж байдаг. Ер нь твитерээр залуусыг байлдан дагуулах чиглэлээр тун амжилттай ажиллах болсон. Тэрээр өөрийгөө 10000 дагагчидтай “бичил сонин” гэж тодорхойлдог юм билээ. Бараг л надаар рекламдуулбал 10000 дагагчидад маань шууд хүрнэ гэх маягийн зүйл ярьдаг болсон юм. Түүний 10000 гаруй дагагчидтай болсон нь маркетингийн аргатай шууд холбоотой гэнэ. Ё.Отгонбаяр сайд 8000, 9000, 10000 дахь дагагчидаа урамшуулна гэдэгээ шууд зарлаж байсан. Уг урамшуулалыг нь хүртэх гэж олон залуус хошуурдаг гэнэ. Энэ урамшуулал нь ямархуу үнэтэй зүйл болохыг харин хэлдэггүй нууцалдаг. Энэхүү промошны хүчинд Ё.Отгонбаяр сайд ийм олон дагагчидтай болжээ. Өнөөдрийн байдлаар тэрээр 12766 удаа жиргэж, 10723 хүнийг байлдан дагуулжээ. Мэдээж тэрээр 11000 болон 11111 дэхь дагагчаа урамшуулна гэж зарлахаа мартаагүй байна лээ.